Leswi Hi Nga Swi Vulaka Loko Hi Fambisa Timagazini
Xihondzo xo Rindza June 1
“Vanhu vo tala va vula leswaku vukhongeri lebyi nga kona emisaveni hinkwayo byi hi kongomisa eka Xikwembu. Xana wena u swi vonisa ku yini? [Yimela nhlamulo.] Twana leswi Bibele yi swi vulaka. [Hlaya Yoxuwa 24:15.] Magazini lowu wu nyikela swivangelo swa nkoka leswi nga ta hi pfuna ku kambisisa vukhongeri bya hina ku vona loko hakunene byi hi kongomisa eka Xikwembu xa ntiyiso.” N’wi kombe xihloko lexi sungulaka eka tluka 12.
Xalamuka! June
“Ndza tshemba leswaku va kona vanhu lava u va tivaka lava nga fa. Xana u ehleketa leswaku hi fanele hi chava leswaku van’wana va vona va nga hi hlundzukela kutani va hi vavisa? [Yimela nhlamulo kutani u hlaya Eklesiasta 9:5, 6.] Magazini lowu wu tamele rungula leri nga ku pfuna leswaku u tiva xiyimo xa vafi.” N’wi kombe xihloko lexi sungulaka eka tluka 22.
Xihondzo xo Rindza July 1
“Vanhu vo tala va na tona Tibibele, kambe swa va tikela ku ti twisisa. Xana na wena u titwa hi ndlela yoleyo? [Yimela nhlamulo kutani u hlaya Pisalema 119:130.] Hi ku ya hi ndzimana leyi, Mutsari wa Bibele u lava leswaku loko hi hlaya Rito rakwe, hi ri twisisa naswona hi vuyeriwa. Magazini lowu wu hi nyika swiringanyeto swinharhu leswi nga hi pfunaka leswaku hi twisisa Bibele.”
Xalamuka! July
“Ntshikilelo wu karhata vanhu vo tala namuntlha. Hi ku vona ka wena, xana Xikwembu xi ni mhaka ni vanhu lava nga tshikileleka? [Yimela nhlamulo kutani u hlaya Pisalema 34:18.] Magazini lowu wu hlamusela ndlela leyi Xikwembu xi nga va pfunaka ha yona vanhu lava nga tshikileleka, kumbe lava swi bohaka leswaku va kuma vutshunguri. Wu tlhela wu hi nyika swiringanyeto leswi hina hi nga swi tirhisaka loko hi va chavelela.”