Leswi Hi Nga Swi Vulaka Loko Hi Fambisa Timagazini

Xihondzo xo Rindza July 1

“Vanhu vo tala a va swi tivi leswaku va nga n’wi chavelela njhani munghana wa vona la vabyaka swinene. [Hlaya Yakobo 1:19.] Xana wena u ri yini hi mhaka leyi? [Yimela nhlamulo.] Xihloko lexi xi nyikela swiringanyeto swo hlayanyana leswi sekeriweke eka milawu ya Bibele.” N’wi kombe xihloko lexi sungulaka eka tluka 10.

Xalamuka! July

“Xana swi fanerile leswaku vavasati va va vafundhisi? [Yimela nhlamulo.] Twana leswi Bibele yi swi vulaka hi wansati un’wana. [Hlaya Varhoma 16:1.] Kambe ndzimana yin’wana yi vula leswaku vavasati a va fanelanga va dyondzisa evandlheni. Kutani hi rihi langutelo ra Bibele emhakeni leyi? Xihloko lexi xa hlamusela.” N’wi kombe xihloko lexi sungulaka eka tluka 28.

Xihondzo xo Rindza August 1

“Vanhu vo tala va chava leswaku nyimpi ya nyutliya kumbe ku cinca-cinca ka maxelo swi nga ha onha misava kumbe swi yi lovisa. Xana u anakanya leswaku leswi swi ta kala swi endleka? [Yimela nhlamulo.] Twana leswi Bibele yi swi vulaka hi mhaka leyi. [Hlaya Nhlavutelo 11:18.] Magazini lowu wu hlamula swivutiso swa mune leswi karhataka vanhu vo tala malunghana ni makumu ya misava.”

Xalamuka! August

“Swi nga ha endleka leswaku Timbhoni ta Yehovha ti tshame ti vulavula na wena. Xana u tshame u tivutisa leswaku ha yini hi famba hi yindlu ni yindlu, hambileswi vanhu vo tala va nga ma tsakeriki mahungu lawa hi va byelaka wona? [Yimela nhlamulo kutani u hlaya Matewu 24:14.] Hi xiye leswaku vanhu vo tala a va swi twisisi leswi hi swi endlaka. Kutani magazini lowu wu hlamusela leswaku Timbhoni ta Yehovha i vamani.”