Leswi Hi Nga Swi Vulaka Loko Hi Fambisa Timagazini
Xihondzo xo Rindza July 1
“Xana u ehleketa leswaku swi nga koteka leswaku munhu a kuma ku rhula eminkarhini leyi ya maxangu? [Yimela nhlamulo.] Xiya leswi Bibele yi swi vulaka eka Vafilipiya 4:6, 7. [Yi hlaye.] Xihloko lexi nga eka tluka 10 xi hlamusela leswi hi nga swi endlaka leswaku hi kuma ku rhula loku Xikwembu xi ku nyikaka vanhu.”
Xalamuka! July
“Vo tala va hina ha swi tlangela leswi vatswari va hina va nga hi dyondzisa swona. Xana u ehleketa leswaku hi ta va hi nga va xiximi loko hi kambisisa tidyondzo ta vukhongeri leti va nga hi dyondzisa tona loko ha ha ri vatsongo? [Yimela nhlamulo kutani u hlaya 1 Yohane 4:1.] Xihloko lexi nga eka tluka 28 xi hlamusela loko swi hoxile kumbe swi nga hoxanga ku cinca vukhongeri bya hina.”
Xihondzo xo Rindza August 1
“Vanhu van’wana va vula leswaku vukhongeri hinkwabyo byi hi kongomisa eka Xikwembu xa ntiyiso. Xana u ehleketa leswaku hinkwabyo bya amukeleka eka Xikwembu? [Yimela nhlamulo kutani u hlaya Matewu 7:13, 14.] Magazini lowu wu xaxameta swilo swinharhu leswi vukhongeri lebyi amukelekaka eka Xikwembu byi faneleke byi swi endla.”
Xalamuka! August
“Hinkwerhu ka hina hi tshame hi karhateka ngopfu hi mhaka ya xihlawuhlawu. U ehleketa leswaku Xikwembu xi ti twa njhani hi mhaka leyi? [Yimela nhlamulo kutani u hlaya Mintirho 10:34, 35.] Bibele yi nga hi pfuna leswaku hi nga vi ni moya wa xihlawuhlawu ku nga khathariseki leswaku van’wana va hi khoma njhani. Magazini lowu wu hlamusela swo tala hi mhaka leyi.”