Leswi Hi Nga Swi Vulaka Loko Hi Fambisa Timagazini

Xihondzo xo Rindza February 1

“Xana u ehleketa leswaku Xikwembu xi yingisa swikhongelo hinkwaswo? [Yimela nhlamulo.] Xiya leswi Yesu a swi vuleke emhakeni leyi. [Hlaya Matewu 6:7.] Xihloko lexi xo tsakisa xi nyikela tinhlamulo leti humaka eBibeleni ta swivutiso swa mune leswi hakanyingi swi vutisiwaka malunghana ni xikhongelo.” N’wi kombe xihloko lexi sungulaka eka tluka 16.

Xalamuka! February

“Vanhu vo tala va pfumela leswaku Xikwembu xi swi kunguhate khale leswaku vutomi bya hina byi ta va njhani. Xana wena u ehleketa yini? [Yimela nhlamulo.] Hi ku ya hi ndzimana leyi, hi nga tihlawulela leswi hi lavaka leswaku vutomi bya hina byi va xiswona. [Hlaya Deteronoma 30:19.] Xihloko lexi xi hlamusela leswi Bibele yi swi vulaka malunghana ni mhaka leyi.” N’wi kombe xihloko lexi sungulaka eka tluka 12.

Xihondzo xo Rindza March 1

“Xana u ehleketa leswaku Xikwembu xi swi kunguhate khale swilo hinkwaswo leswi humelelaka vanhu? [Yimela nhlamulo.] Xiya leswi Bibele yi swi vulaka malunghana ni mhaka leyi. [Hlaya Eklesiasta 9:11.] Magazini lowu wu hlamusela leswaku hambileswi Xikwembu xi hi vekeleke vumundzuku lebyinene emisaveni, xi pfumelela un’wana ni un’wana wa hina leswaku a tihlawulela ndlela leyi a lavaka ku hanya ha yona.”

Xalamuka! March

“Vanhu vo tala namuntlha a va dyi byi rhelela hikwalaho ka mali ngopfu-ngopfu eminkarhini leyi, leyi ikhonomi yi tsaneke. Xana u pfumelelana na yona mhaka leyi? [Yimela nhlamulo.] Xiya ndzayo leyi leyi pfunaka. [Hlaya 1 Timotiya 6:8, 10.] Magazini lowu wu kombisa milawu yin’wana ya Bibele leyi nga hi pfunaka ku tirhisa mali ya hina hi ndlela leyi nga ta hi endla hi va ni ku rhula evuton’wini.”