Leswi Hi Nga Swi Vulaka Hi Timagazini

Xihondzo xo Rindza January 1

Hlaya Genesa 2:16, 17 kutani u ku: “Van’wana va vula leswaku Xikwembu xi swi tive ka ha ri emahlweni leswaku Adamu a a ta dyoha. Van’wana va vona onge Xikwembu a xi ta va xi n’wi kanganyisile hi ku n’wi lemukisa, kasi xa swi tiva leswi nga ta endleka. Wena u ehleketa yini? [Yimela nhlamulo.] Xihloko lexi sungulaka eka tluka 13 xi hlamusela ndlela leyi Xikwembu xi ma tirhisaka ha yona matimba ya xona yo tiva swilo ka ha ri emahlweni.”

Xalamuka! January

“Van’wana va vula leswaku ripfumelo ra vukhongeri i ndlela leyi u titwaka ha yona ku nga ri leri sekeriweke eka swivangelo leswi twalaka. Wena u ehleketa yini? [Yimela nhlamulo.] Hi ku ya hi Bibele, ku va ni ripfumelo eka vukhongeri a hi ku kholwa swilo hinkwaswo. [Hlaya 1 Yohane 4:1.] Xihloko lexi sungulaka eka tluka 28 xi hlamusela ndlela leyi hi nga tiyisekaka ha yona leswaku ripfumelo ra hina ri sekeriwe eka xivangelo lexi twalaka.”

Xihondzo xo Rindza February 1

“Namuntlha swi tolovelekile ku dlaya vukati. U ehleketa leswaku leswi swi vangiwa hi yini? [Yimela nhlamulo.] Xiya xitsundzuxo lexi, lexi pfuneke mimpatswa yo tala. [Hlaya 1  Vakorinto 10:24.] Magazini lowu wu boxa swiphiqo swa tsevu leswi tolovelekeke leswi vatekani va langutanaka na swona, naswona wu tlhela wu kombisa ndlela leyi ku tirhisa milawu ya Bibele swi nga va pfunaka ha yona.”

Xalamuka! February

“Swi tikomba onge vuloyi ni vungoma swi ya swi rhandziwa swinene. Xana u anakanya leswaku a swi na khombo ku tirhisa vungoma? [Yimela nhlamulo.] Xiya xitsundzuxo lexi Xikwembu xi xi nyikeke Vaisrayele va khale. [Hlaya Deteronoma 8:10-12.] Magazini lowu wu kombisa leswi Bibele yi swi vulaka hi vungoma.”