Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa May

“Xana u tshame u tivutisa leswaku ha yini Xikwembu xi pfumelela vubihi ni ku xaniseka? [Yimela nhlamulo.] Ndzi tsakela ku ku komba nchumu lowu tsakisaka hi mhaka leyi.” Kutani hlaya na yena rungula leri nga ehansi ka xihlokwana xo sungula lexi nga eka tluka 16 eka nkandziyiso wa Xihondzo xo Rindza xa May 1 swin’we ni rin’wana ra Matsalwa lama tshahiweke. N’wi nyike timagazini kutani u endla malunghiselelo yo tlhela u vuya leswaku u ta hlamula xivutiso lexi u n’wi vutiseke xona.

Xihondzo xo Rindza May 1

Hlaya Pisalema 37:10, 11. Kutani u ku: “Xana u ehleketa leswaku hi ta ku vona ku hetiseka ka xitshembiso lexi ku nga ri khale? [Yimela nhlamulo.] Magazini lowu wu hlamusela vuprofeta bya tsevu byo hambana-hambana bya le Bibeleni lebyi hi byi vonaka byi hetiseka sweswi, lebyi kombisaka leswaku ntiyiso wa xitshembiso lexi a wu nge teki nkarhi wo leha.”

Xalamuka! May

“Van’wana va vula leswaku vanhu va huma eka swiharhi. Xana u ehleketa yini? [Yimela nhlamulo. Kutani u hlaya Pisalema 139:14.] Mupisalema a a nga tivi swo tala malunghana ni ndlela leyi miri wa munhu wu endliweke ha yona. Magazini lowu wu hlamusela leswi hi swi tivaka sweswi, ku katsa ni leswi hi hambanisaka ni swiharhi.”