Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa July

“Emalembeni ya sweswinyana, vanhu va sungule ku tsakela ku tiva swo karhi malunghana ni tintsumi. Xana u anakanya leswaku tintsumi i ta xiviri? [Yimela nhlamulo.] Xiya leswi magazini lowu wu swi vulaka.” Nyika n’wini wa muti Xihondzo xo Rindza xa July 1 kutani u kambisisa na yena rungula leri nga ehansi ka xihlokwana xo sungula eka tluka 16 kutani u hlaya tsalwa rin’we. N’wi nyike magazini kutani u hlela ku tlhela u vuya leswaku mi ta bula hi xivutiso lexi landzelaka.

Xihondzo xo Rindza July 1

Hlaya Pisalema 65:2. Kutani u ku: “Vo tala va pfumelelana ni tsalwa leri, leswaku Xikwembu i ‘Mutwi wa xikhongelo’ naswona va khongela masiku hinkwawo. Kambe vo tala va tivutisa, ‘Loko Xikwembu xi ri kona, ha yini xi pfumelela maxangu yo tala swonghasi?’ U swi vonisa ku yini? Xana xi kona Xikwembu lexi yingisaka swikhongelo swa hina? [Yimela nhlamulo.] Magazini lowu wu hlamula swivutiso leswi hi ku ya hi Bibele ni swin’wana swo tanihi leswi nge: ‘Ha yini Mutwi wa xikhongelo a pfumelela ku xaniseka?’”

Xalamuka! July

“Loko a wo kota ku cinca nchumu wun’we ntsena laha misaveni, xana a wu ta cinca yini? [Yimela nhlamulo.] Bibele yi hlamusela xivangelo xo va vanhu va tsandzeka ku hetisisa swilo swo karhi. [Hlaya Yeremiya 10:23.] Magazini lowu wu hlamusela xikongomelo xa Xikwembu xo cinca swilo laha misaveni.”