Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa July

“Vanhu vo tala va phindha-phindha marito lama nga eka Xikhongelo xa Hosi lama nge: ‘Mfumo wa wena a wu te. Ku rhandza ka wena a ku endleke emisaveni, hilaha ku endlekaka hakona etilweni.’ Xana u ehleketa leswaku Mfumo wolowo i yini? [Yimela nhlamulo.] Ndzimana leyi ya Bibele yi hi pfuna ku kuma nhlamulo.” Hlaya Daniyele 2:44. Nyika n’wini wa muti kopi ya Xihondzo xo Rindza xa July 1 kutani u hlaya na yena rungula leri nga ehansi ka xihlokwana xo sungula lexi nga eka tluka 16. N’wi nyike timagazini kutani u endla malunghiselelo yo tlhela u vuya leswaku u ta hlamula xivutiso lexi u n’wi vutiseke xona.

Xihondzo xo Rindza July 1

“Leswi vutomi byi komeke byi tlhela byi taleriwa hi swiphiqo, vanhu vo tala va tivutisa loko vutomi byi ri ni xikongomelo. Xana u tshame u anakanya hi mhaka leyi? [Yimela nhlamulo.] Bibele yi tshembisa leswaku vutomi a byi nge tshami byi ri hi ndlela leyi. [Hlaya Nhlavutelo 21:4.] Magazini lowu wu hlamusela xikongomelo xa Xikwembu hi misava naswona wu xaxameta swilo swin’wana leswi hi nga swi endlaka leswaku hi hanya vutomi lebyi nga ni xikongomelo hambi ku ri sweswi.”

Xalamuka! July

Boxa mhangu leyi u yi tweke emahungwini. Kutani u ku: “U ehleketa leswaku ha yini Xikwembu xi pfumelela swilo swo tano swi humelela? [Yimela nhlamulo.] Hi ku ya hi Bibele, Xikwembu xi va twela vusiwana vanhu lava xanisekaka. [Hlaya Eksoda 3:7.] Bibele yi tlhela yi hi byela leswaku ha yini Xikwembu xi pfumelela ku xaniseka ni leswaku ku nga ri khale xi ta ku herisela makumu. Magazini lowu wa hlamusela.”