Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa May

“Xana u teka vukhongeri ku ri byona byi kondletelaka rirhandzu ni ku rhula kumbe rivengo ni madzolonga? [Yimela nhlamulo.] Ndzi pfumelele ndzi ku komba swin’wana leswi nga ta ku tsakisa malunghana ni mhaka leyi.” Nyika n’wini wa muti Xihondzo xo Rindza xa May 1, kutani u hlaya na yena rungula leri nga ehansi ka xihlokwana xo sungula eka tluka 16 ni tsalwa rin’we. N’wi nyike timagazini kutani u endla malunghiselelo yo tlhela u vuya leswaku mi ta bula hi xivutiso lexi landzelaka.

Xihondzo xo Rindza May 1

“Vo tala va vona swi lulamile ku va vukhongeri byi nghenelela emhakeni ya tipolitiki, loko hi hala tlhelo van’wana va vona onge vukhongeri ni tipolitiki a swi fanelanga swi hlangana. U swi vonisa ku yini? [Yimela nhlamulo.] Xiya ndlela leyi Yesu a anguleke ha yona loko vanhu va le nkarhini wakwe va lava leswaku a hlanganyela eka tipolitiki. [Hlaya Yohane 6:15.] Magazini lowu wu hlamusela ndlela leyi Yesu a anguleke ha yona, wu tlhela wu hlamusela ndlela leyinene leyi Vakreste va nga pfunaka tiko ra ka vona ha yona.”

Xalamuka! May

“Vanhu vo tala lava hi vulavurisanaka na vona va tshame va khomiwa hi ndlela yo biha hi ndlela yo karhi. Xana u vona onge ku ni xintshunxo xa ku pfumala vululami? [Yimela nhlamulo.] Xiya vuprofeta lebyi vulavulaka hi mufumi la nga ta herisa vuhomboloki. [Hlaya Pisalema 72:11-14.] Magazini lowu wu vulavula hi switshembiso swa le Bibeleni leswi nga ta hetiseka enkarhini lowu taka.”