Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa June

Hlaya Esaya 42:8. Kutani u ku: “Hi ku ya hi tsalwa leri, Xikwembu xi ni vito. Xana u ehleketa leswaku i swa nkoka leswaku hi tirhisa vito ra Xikwembu? [Yimela nhlamulo.] Xiya leswi magazini lowu wu swi vulaka.” Nyika n’wini wa muti Xihondzo xo Rindza xa June 1, kutani u hlaya na yena rungula leri nga ehansi ka xihlokwana xo sungula eka tluka 16. N’wi nyike timagazini kutani u endla malunghiselelo yo tlhela u vuya leswaku mi ta bula hi xivutiso lexi landzelaka.

Xihondzo xo Rindza June 1

“Ndzi ta tsakela ku twa vonelo ra wena eka nhloko-mhaka leyi ya nkoka. [Pfula eka tluka 3, kutani u n’wi komba swiga leswi xaxametiweke kwalaho.] Eka tinhla leti, hi yihi leyi yi hlamuselaka kahle ndlela leyi u yi tekaka ha yona Bibele? [Yimela nhlamulo.] Xiya leswi Bibele yi swi vulaka. [Hlaya Varhoma 15:4.] Magazini lowu wu hlamusela swivangelo swa ntlhanu leswi kombisaka ndlela leyi Bibele yi hambaneke ni tibuku letin’wana ha yona ni ku kombisa ndlela leyi yi nga hi vuyerisaka ha yona.”

Xalamuka! June

“Lembe ni lembe vanhu va timiliyoni emisaveni hinkwayo va vabya hikwalaho ko dya swakudya leswi nga riki na rihanyo. Hi ku ya hi vonelo ra wena, xana u ehleketa leswaku swakudya swa le ndhawini ya ka hina swi ni rihanyo? [Yimela nhlamulo.] Magazini lowu wu hlamusela tindlela ta mune leti hi nga sirhelelaka ndyangu wa hina eka mavabyi lema vangiwaka hi swakudya leswi nga ni tibaktheriya. Wu tlhela wu vulavula hi xitshembiso xa Bibele xa leswaku ku nga ri khale, vanhu hinkwavo va ta tiphina hi swakudya swo tala leswi nga ni rihanyo lerinene.” Hlaya Pisalema 104:14, 15.