Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa June

“Un’wana ni un’wana loyi hi vulavulaka na yena u lava leswaku ku va ni ku rhula emisaveni. Kambe, ka ha ri ni tinyimpi. Hi ku vona ka wena, ha yini swi nga koteki leswaku ku va ni ku rhula emisaveni?” Yimela nhlamulo. Kutani n’wi kombe xifunengeto xa le ndzhaku eka Xihondzo xa June 1 ivi mi bula hi ndzimana leyi nga ehansi ka xivutiso xo sungula swin’we ni tsalwa rin’we leri kombisiweke. N’wi nyike timagazini kutani u hlela ku tlhela u vuya mi ta bula hi xivutiso lexi landzelaka.

Xiya: Endlani nkombiso wa xingheniso lexi hi nkarhi wa nhlangano wa nsimu hi June 1.

Xihondzo xo Rindza June 1

“Hi endzele vanhu va ndhawu leyi swa nkarhinyana leswaku hi ta bula hi xiphiqo lexi tolovelekeke. Vanhu vo tala va langutane ni xihlawuhlawu hi tindlela to karhi. Xana u anakanya leswaku yi kona ndhawu yo karhi laha misaveni leyi eka yona xi nga riki kona xihlawuhlawu? [Yimela nhlamulo] Twana leswaku Xikwembu xi va langutana njhani vanhu hinkwavo. [Hlaya Mintirho 10:34] Magazini lowu wu hlamusela ndlela leyi Xikwembu xi nga ta herisa xihlawuhlawu ha yona eka vanhu hinkwavo.”

Xalamuka! June

“Hi tsakela ku twa vonelo ra wena eka mhaka yin’wana. I swa ntumbuluko ku lava vutomi lebyinene. Xana u anakanya leswaku hi nga byi kuma hi ku xava swo tala leswi vonakaka? [Yimela nhlamulo] Twana leswi Yesu a swi vuleke. [Hlaya Luka 12:15] Magazini lowu wu hlamusela langutelo lerinene leri hi fanele hi va na rona hi swilo leswi vonakaka ni ku hi nyika swiringanyeto leswi pfunaka malunghana ni ku xava.”