Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa October

“Namuntlha hi endzela vaakelani va hina swa nkarhinyana. Vo tala lava hi burisaneke na vona va vule leswaku xiyimo xo tika swinene lexi va langutanaka na xona i ku loveriwa hi loyi va n’wi rhandzaka. Xana na wena u titwa hi ndlela yoleyo? [Yimela nhlamulo.] Ndzi kume leswaku rungula leri ra pfuna swinene.” N’wi kombe tluka ro hetelela ra Xihondzo xo Rindza xa October 1 kutani mi kambisisa swin’we rungula leri nga ehansi ka xivutiso xo sungula ni tsalwa rin’we leri kombisiweke. N’wi siyele magazini kutani u hlela ku tlhela u vuya mi ta bula hi xivutiso lexi landzelaka.

Xihondzo xo Rindza October 1

“Hi mi endzele swa nkarhinyana leswaku hi ta mi khutaza ku hlaya Bibele. Ha swi tiva leswaku vanhu van’wana va yi rhandza Bibele; kasi van’wana a va yi rhandzi. Wena ke? [Yimela nhlamulo.] Bibele yi vula leswi. [Hlaya 1 Vatesalonika 2:13.] Ndza tiyiseka leswaku loko u tshemba leswaku Bibele i buku leyi humaka eka Xikwembu, yi fanele yi hlayiwa. Hi ku komisa magazini lowu wu hlamusela leswi Bibele yi swi vulaka ni xivangelo lexi endlaka leswaku hi yi rhandza.”

Xalamuka! October

“Ndzi tsakela ku twa vonelo ra wena eka xivutiso lexi: Xana swa koteka ku eneriseka hi leswi hi nga na swona loko hi nga ri na swilo swo tala leswi vonakaka? [Yimela nhlamulo.] Xiya leswi Bibele yi swi vulaka. [Hlaya 1 Timotiya 6:8.] Magazini lowu wu hlamusela langutelo lerinene leri hi faneleke hi va na rona hi swilo leswi vonakaka wu tlhela wu hlamusela swilo swinharhu swa nkoka leswi mali yi nga ta ka yi nga swi xavi.”