Swingheniso Leswi Hi Nga Swi Tirhisaka

Ku sungula tidyondzo ta Bibele hi Mugqivela wo sungula hi October

“Hi endzela vaakelani va hina swa xinkarhana leswaku hi bula na vona hi hulumendhe leyinene. Xana u anakanya leswaku ku ni hulumendhe leyi nga swi kotaka ku herisa swiphiqo leswikulu swo tanihi madzolonga ni vuhomboloki?” Yimela nhlamulo. Tsundzuxa n’wini wa muti leswaku eka Xikhongelo xa Hosi, Yesu u dyondzise valandzeri va yena leswaku va khongelela hulumendhe yo tano, ku nga Mfumo wa Xikwembu, leswaku yi ta. N’wi kombe tluka ro hetelela ra Xihondzo xo Rindza xa October 1 kutani mi bula hi rungula leri nga ehansi ka xivutiso xo sungula mi tlhela mi hlaya tsalwa rin’we eka lama kombisiweke. N’wi fambisele timagazini kutani u hlela ku vuya mi ta bula hi xivutiso lexi landzelaka.

Xihondzo xo Rindza October 1

“Hi burisana katsongo ni vaakelani va hina malunghana ni marito lawa ya xikhongelo lexi tolovelekeke lexi Yesu a xi dyondziseke valandzeri va yena. [Hlaya Matewu 6:9, 10.] Xana u tshame u hlamuseriwa kahle leswaku Mfumo wa Xikwembu i yini ni leswaku ha yini Yesu a vulavule swinene ha wona loko a chumayela? [Yimela nhlamulo.] Magazini lowu wu kombisa leswi Bibele yi swi vulaka hi Mfumo wa Xikwembu swin’we ni mikateko leyi wu nga ta yi tisa laha misaveni.”

Xalamuka! October

“Hi endze swa xinkarhana leswaku hi pfuna vanhu va kuma nhlamulo ya xivutiso lexi. [N’wi kombe xifunengeto xa magazini wa kona.] Xana u anakanya leswaku munhu u fanele a va la fuweke leswaku swilo swi ta n’wi fambela kahle hakunene? [Yimela nhlamulo.] Bibele yi hlamusela langutelo lerinene leri vanhu va faneleke va va na rona hi rifuwo. [Hlaya Luka 12:15.] Hi ku ya hi Bibele, swilo swi nga n’wi fambela kahle munhu un’wana ni un’wana. Magazini lowu wa swi hlamusela leswaku ku nga endlisiwa ku yini.”