Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa October

“Eminkarhini leyi ya mangava, hinkwerhu hi langutana ni swiphiqo leswi vangaka ntshikilelo emindyangwini. U ehleketa leswaku hi kwihi laha hi nga kumaka nkongomiso lowu tshembekaka lowu nga ta hi pfuna leswaku hi endla mindyangu ya hina yi va leyi tsakeke?” Yimela nhlamulo. Nyika n’wini wa muti kopi ya Xihondzo xo Rindza xa October 1 kutani u hlaya na yena rungula leri nga ehansi ka xin’wana xa swihlokwana leswi nga eka tluka 16 na 17 ni rin’wana ra Matsalwa lama tshahiweke. N’wi nyike timagazini kutani u endla malunghiselelo yo tlhela u vuya leswaku mi ta bula hi xin’wana xa swivutiso leswi nga kwalaho.

Xihondzo xo Rindza October 1

N’wi kombe xifunengeto xa magazini, kutani u n’wi vutisa u ku, “Xana u nga titwa njhani loko wo kuma leswaku u byeriwe mavunwa malunghana ni Xikwembu? [Yimela nhlamulo.] Xiya leswi Yesu a swi vuleke malunghana ni ndlela ya ku hambanisa ntiyiso eka mavunwa. [Hlaya Yohane 17:17.] Kutani i Bibele ntsena leyi hi byelaka ntiyiso malunghana ni Xikwembu. Magazini lowu wu hlamusela mavunwa ya ntlhanu lama tolovelekeke malunghana ni Xikwembu lawa Bibele yi ma paluxaka.”

Xalamuka! October

“Namuntlha hi tele ku ta bula na n’wina hi timhaka leti khumbaka mindyangu. I yini leswi u nga swi vulaka leswaku i ntlhontlho lowukulu lowu vatswari va langutanaka na wona namuntlha loko va kurisa vana? [Yimela nhlamulo.] Vatswari vo tala va titshega hi ndzayo ya le Bibeleni. Hi xikombiso, ndzayo leyi ya vutlhari ya pfuna loko hi letela vana. [Hlaya Vaefesa 4:31.] Magazini lowu wu kombisa ndlela leyi ndzayo ya Bibele yi nga pfunaka vatswari eku kuriseni ka vana va vona, ku sukela loko va ha ri vatsongo ku fikela loko va kurile.”