Swingheniso Leswi Hi Nga Swi Tirhisaka

Ku sungula tidyondzo ta Bibele hi Mugqivela wo sungula wa May

“Hi ku endzele swa xinkarhana leswaku hi ta bula na wena hi xivutiso lexi lexi tlhontlhaka mianakanyo. [N’wi kombe xivutiso xo sungula eka tluka ro hetelela ra Xihondzo xo Rindza xa May 1.] U swi vonisa ku yini?” Yimela nhlamulo. Bulani swin’we hi rungula leri nga ehansi ka xivutiso xolexo mi tlhela mi hlaya rin’wana ra matsalwa lama kombisiweke. Fambisa timagazini kutani u hlela ku vuya mi ta bula hi xivutiso lexi landzelaka.

Xihondzo xo Rindza May 1

“Hi ku endzele swa xinkarhana hikuva vanhu vo tala va lava ku tiva leswi vumundzuku byi va khomeleke swona. U titwa njhani loko u anakanya hi vumundzuku? Wa tiyiseka hi byona kumbe bya ku vilerisa? [Yimela nhlamulo. Endzhaku ka sweswo hlaya rin’wana ra matsalwa lama nga eka bokisi leri nge “Leswi Xikwembu Xi Swi Vuleke Hi Vumundzuku.”] Magazini lowu wu hlamusela swilo swin’wana leswi Xikwembu xi vulaka leswaku swi ta endleka wu tlhela wu hlamusela lexi endlaka hi tiyiseka leswaku swi ta endleka.”

Xalamuka! May

“Hi endze swa xinkarhana leswaku hi pfuna vanhu va kota ku langutana ni ntshikilelo wa vona. Xana u vona onge vanhu namuntlha va tshikileleke swinene ku tlula enkarhini lowu hundzeke? [Yimela nhlamulo.] Vanhu vo tala va kume leswaku ndzayo leyi tirhaka leyi kumekaka eBibeleni ya va pfuna leswaku va kota ku langutana ni ntshikilelo wa vona. Hi lexi xikombiso xin’we. [Hlaya Matewu 6:34.] Magazini lowu wu hlamusela ndlela leyi milawu ya le Bibeleni yi nga hi pfunaka ha yona ku langutana ni swilo swa mune leswi talaka ku vangela vanhu ntshikilelo.”

Xiya: Nkandziyiso lowu wu nga va koka rinoko swinene van’wamabindzu.