Swingheniso Leswi Hi Nga Swi Tirhisaka

Ku sungula tidyondzo ta Bibele hi Mugqivela wo sungula hi June

“Hi ku endzele swa xinkarhana leswaku hi ta bula na wena hi xivutiso lexi, lexi tlhontlhaka mianakanyo. [N’wi kombe xivutiso xo sungula eka tluka ro hetelela ra Xihondzo xo Rindza xa June 1.] U swi vonisa ku yini?” Yimela nhlamulo. Bulani swin’we hi rungula leri nga ehansi ka xivutiso xolexo mi tlhela mi hlaya rin’wana ra matsalwa lama kombisiweke. Fambisa timagazini kutani u hlela ku vuya mi ta bula hi xivutiso lexi landzelaka.

Xihondzo xo Rindza June 1

“Vanhu va kwalomu ka 6 000 000 va fa hi lembe hikwalaho ko dzaha. Xana u anakanya leswaku swi kona leswi nga endliwaka leswaku ku hungutiwa khombo leri? [Yimela nhlamulo.] Vanhu vo tala va pfuniwile leswaku va tshika ku dzaha kumbe va papalata ku dzaha hikwalaho ka leswi va kambisiseke langutelo ra Xikwembu hi mhaka leyi. Hi xikombiso, ndzimana leyi ya le Bibeleni yi susumetele van’wana leswaku va anakanyisisa hi ndlela leyi ku dzaha ku va khumbaka ha yona van’wana. [Hlaya 1 Vakorinto 10:24.] Magazini lowu wu hlamusela ndlela leyi ku kambisisa langutelo ra Xikwembu malunghana ni ku dzaha swi nga n’wi susumetelaka ha yona munhu ku tshika ku dzaha.”

Xalamuka! June

“Ti-Web site to tiendlela vanghana eka Internet ti endle leswaku vanhu va kota ku va ni vanhu vo tala lava va vulaka vanghana ku tlula enkarhini lowu hundzeke. Xana hi yihi mfanelo ya nkoka swinene ya munghana wa xiviri? [Yimela nhlamulo.] Hi lexi xikombiso xa ndzayo leyi tirhaka malunghana ni ku endla xinghana leyi kumekaka eBibeleni. [Hlaya Yakobo 1:19.] Magazini lowu wu hlamusela milawu ya mune leyi kongomisaka leyi nga hi pfunaka leswaku hi va muxaka wa munhu loyi van’wana va nga tsakelaka ku va munghana wa yena.”