Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa February

“Vanhu lava hi vulavulaka na vona va ni mavonelo lama hambaneke malunghana ni Bibele. Van’wana va tshemba leswaku i Rito ra Xikwembu kasi van’wana va yi teka yi ri buku leyi tolovelekeke. Xana wena u yi teka njhani Bibele?” Yimela nhlamulo. N’wi kombe tluka ro hetelela ra Xihondzo xo Rindza xa February 1 kutani mi kambisisa swin’we rungula leri nga ehansi ka xivutiso xo sungula ni tsalwa rin’we leri kombisiweke. N’wi siyele timagazini kutani u hlela ku tlhela u vuya mi ta bula hi xivutiso lexi landzelaka.

Xihondzo xo Rindza February 1

“Vanhu vo tala va tsakela ku vona nyimpi yi nga ha ri kona. Xana u anakanya leswaku ku ta pfuka ku ve ni ku rhula emisaveni? [Yimela nhlamulo.] Xiya leswi Matsalwa ma swi tshembisaka. [Hlaya Pisalema 46:9.] Lexi tsakisaka hi leswaku swiendlakalo leswi humeleleke hi nkarhi wa Nyimpi yo Sungula ya Misava ni le ndzhaku ka yona swa hi tiyisekisa leswaku ku nga ri khale Xikwembu xi ta hetisisa vuprofeta lebyi naswona xi yi herisela makumu nyimpi. Magazini lowu wa swi hlamusela sweswo.”

Xalamuka! February

“Hi ku endzele swa xinkarhana leswaku hi ta bula na wena hi xiphiqo lexi tolovelekeke. Swi tikomba onge a wu kona nkarhi wa ku endla swilo hinkwaswo leswi hi lavaka ku swi endla. Xana u anakanya leswaku hi tshama hi khomekile hikwalaho ka leswi hi nga na swilo swo tala swa ku swi endla kumbe hileswi hi tlangisaka nkarhi wo tala? [Yimela nhlamulo.] Vo tala a va swi xiyi leswaku Bibele yi ni switsundzuxo leswi tirhaka leswi nga hi pfunaka leswaku hi wu tirhisa kahle nkarhi wa hina. Xiya xikombiso lexi. [Hlaya Vafilipiya 1:10a.] Magazini lowu wu ni tinhla ta mune leti pfuneke vanhu vo tala leswaku va tirhisa nkarhi wa vona hi vutlhari.”