Swingheniso Leswi Hi Nga Swi Tirhisaka

Ku Sungula Tidyondzo Ta Bibele Hi Mugqivela Wo Sungula Wa February

“Xana u anakanya leswaku Xikwembu xi ni nhlengeletano namuntlha kumbe u anakanya leswaku xi tirhisana ni vanhu ntsena? [Yimela nhlamulo.] Xiya leswi magazini lowu wu swi vulaka hi vanhu lava Xikwembu xi va hlengeleteke emalembeni yo tala lama hundzeke.” Pfula tluka 16 eka Xihondzo xo Rindza xa February 1 kutani mi kambisisa rungula leri nga ehansi ka xihlokwana xo sungula ni rin’wana ra Matsalwa lama tshahiweke. N’wi nyike timagazini kutani u endla malunghiselelo yo tlhela u vuya leswaku u ta hlamula xivutiso lexi u n’wi vutiseke xona.

Xihondzo xo Rindza February 1

“Eka malembe ya sweswinyana ku vulavuriwe ngopfu hi Armagedoni. Xana u ehleketa leswaku ku ni leswi vanhu va nga swi endlaka leswaku va sivela Armagedoni leswaku yi nga humeleli? [Yimela nhlamulo.] Vona laha rito leri nge ‘Armagedoni’ ri humaka kona. [Hlaya Nhlavutelo 16:16. Kutani u n’wi komba xifunengeto xa magazini.] Magazini lowu wu nyikela nhlamulo leyi humaka eBibeleni ya swivutiso leswi.”

Xalamuka! February

Namuntlha vanhu vo tala va tiphina hi ku vulavurisana ni vanhu van’wana hi ku tirhisa Internet. Xana u ehleketa leswaku ku ni makhombo eka ku vulavurisana ka muxaka lowu? [Yimela nhlamulo.] Bibele yi tamele milawu leyi nga endlaka leswaku hi vulavurisana ni vanhu eka Internet hi ndlela leyi nga riki na khombo. [Pfula eka matluka 6-9, kutani mi bula hi xin’wana xa swivutiso leswi nga kwalaho ni tsalwa leri tshahiweke.] Magazini lowu wu ta ku pfuna leswaku u tiva ni ku papalata makhombo lama fambisanaka ni ku vulavurisana ni vanhu van’wana eka Internet.”