Switiviso

◼ Minkandziyiso leyi nga ta fambisiwa hi March na April: Xihondzo xo Rindza ni Xalamuka! Loko u endla maendzo yo vuyela, fambisa buku leyi nge, Leswi Bibele Yi Swi Dyondzisaka kumbe loko swi fanerile hi ku ya hi swilaveko swa munhu, u nga ha fambisa broxara leyi nge, Yingisa Xikwembu Kutani U Hanya Hilaha Ku Nga Heriki ivi u ringeta ku sungula dyondzo ya Bibele. May na June: Fambisa xiphephana lexi nge, Xana Wa Swi Lava Ku Kuma Tinhlamulo Ta Swivutiso Swa Nkoka Swinene eVuton’wini? kumbe xiphephana xin’wana ni xin’wana lexi vandlha ri nga na xona exitokweni. Loko n’wini wa muti a kombisa ku tsakela, u nga ha n’wi komba ndlela yo fambisa dyondzo ya Bibele u tirhisa buku leyi nge, Leswi Bibele Yi Swi Dyondzisaka kumbe broxara leyi nge, Yingisa Xikwembu Kutani U Hanya Hilaha Ku Nga Heriki.

◼ Xitsundzuxo xi ta khomiwa hi Ravumbirhi, March 26, 2013. Loko vandlha ra n’wina ri khoma minhlangano hi Ravumbirhi, mi fanele mi yi khoma hi siku rin’wana evhikini loko Holo ya Mfumo yi nga tirhisiwi. Loko ku laveka leswaku Nhlangano wa Ntirho wu nga vi kona, muhlanganisi wa huvo ya vakulu a nga ha endla mindzulamiso eka xiyimiso leswaku swiphemu leswi khumbaka vandlha ra ka n’wina swi khomiwa eka nhlangano wun’wana en’hwetini. Mavandlha lama endzeriweke hi mulanguteri wa xifundzha ma fanele ma yi khoma hi siku rin’wana minhlangano leyi toloveleke ku khomiwa hi Ravumbirhi nimadyambu. Vakulu va fanele va hlela ku endzela vahuweleri hinkwavo lava holeke hilaha swi boxiweke hakona eka papila ra May 23, 2010, leri a ri rhumeriwe tihuvo hinkwato ta vakulu.

◼ Mavandlha manharhu a ma tsake swinene loko ma nyiketela Tiholo ta wona ta Mfumo eka Yehovha. Eastern Cape: Ethembeni, Fair Field. Gauteng: Northcliff.