Tsima Ro Rhambela Vanhu eXitsundzuxweni Ri Ta Sungula Hi March 22

Nan’waka tsima ra hina ro rhambela vanhu eXitsundzuxweni ri ta sungula hi Mugqivela wa March 22. Vahuweleri hinkwavo va khutaziwa ku hlanganyela hi xitalo eka rona. Hi mahelo-vhiki hi ta fambisa ni timagazini leti fambisiwaka hi nkarhi wolowo loko swi fanerile. Hi Mugqivela wo sungula wa April, hi ta fambisa swirhambo ematshan’weni yo sungula tidyondzo ta Bibele. Hambiswiritano, loko hi kuma munhu loyi a tsakelaka swinene, hi nga ha ringeta ku sungula dyondzo ya Bibele. Mulanguteri wa ntirho hi yena a nga ta vona loko ku fambisa swirhambo etindhawini ta mani na mani swi ta pfuna vandlha ku fikelela vanhu vo tala lava nga ensin’wini ya rona. Tsala nxaxamelo sweswi wa vanhu lava u lavaka ku va rhamba, vanhu lava u va toloveleke vo tanihi maxaka, vatirhi-kuloni, vadyondzi-kuloni ni lava u hlayaka na vona va va kona, kutani u va nyika swirhambo loko tsima ri sungula. Hi tshemba leswaku vanhu vo tala va ta va na hina loko hi tsundzuka rirhandzu leri Yehovha na Yesu va hi kombiseke rona.—Yoh. 3:16; 15:13.