Mpfuxeto Wa Xikolo Xa Vutirheli Bya Le Tilweni

Rungula leri kumekaka eka 2 Tihosi 13:18, 19 ri wu kombisa njhani nkoka wa ku hiseka ni wa ku tirhela Xikwembu hi mbilu hinkwayo? [Sept. 7, w10 4/15 tl. 26 ndzim. 11]

I mani loyi a a fuma eIsrayele hi nkarhi lowu Yonasi a a ri muprofeta, naswona i yini lexi hi nga xi xiyaka hi ntirho wa Yonasi hi ku ya hileswi tsariweke eka 2 Tihosi 14:23-25? [Sept. 7, w09 1/1 tl. 25 ndzim. 4]

Akazi u swi kombise njhani leswaku a a nga ri tshembi rito ra Xikwembu leri vuriweke hi muprofeta Esaya, naswona hi xihi xivutiso lexi hi nga ha tivutisaka xona loko hi endla swiboho swa nkoka? (2 Tih. 16:7) [Sept. 14, w13 11/15 tl. 17 ndzim. 5]

Hi rihi rhengu leri tirhisiweke hi Rabuxake leri vakaneti va vanhu va Xikwembu va ri tirhisaka namuntlha, naswona hi yihi mfanelo leyi nga hi pfunaka leswaku hi nga tshembi mavunwa lama vuriwaka hi vakaneti? (2 Tih. 18:22, 25) [Sept. 14, w10 7/15 tl. 13 tindzim. 3-4]

Xikombiso xa Yosiya xa ku titsongahata xi nga hi pfuna njhani leswaku hi vuyeriwa swinene loko hi hlaya Bibele ni loko hi dyondza minkandziyiso ya hina? (2 Tih. 22:19, 20) [Sept. 21, w00 3/1 tl. 30 ndzim. 2]

Vuyimburi byi swi tiyisekise njhani leswaku tihosi timbirhi leti ku vulavuriweke ha tona eka 2 Tihosi 25:27-30 ti tshame ti va kona? [Sept. 28, w12 6/1 tl. 5 tindzim. 2-3]

Hi swihi swilo swinharhu leswi Yabese a swi kombeleke eka Yehovha, naswona leswi swi hi dyondzisa yini hi xikhongelo? (1 Tikr. 4:9, 10) [Oct. 5, w10 10/1 tl. 23]

Vuyelo bya nyimpi leyi hlamuseriweke eka 1 Tikronika 5:18-22 byi nga hi tiyisa njhani leswaku hi ya emahlweni ni nyimpi ya hina ya moya hi xivindzi? [Oct. 12, w05 10/1 tl. 9 ndzim. 7]

Ha yini Davhida a swi kotile ku twisisa ni ku xixima xikongomelo xa nawu wa Yehovha malunghana ni ku kwetsima ka ngati, naswona xikombiso xa Davhida xi fanele xi hi susumetela ku endla yini? (1 Tikr. 11:17-19) [Oct. 19, w12 11/15 matl. 6-7 tindzim. 12-14]

I yini lexi Davhida a nga xi endlangiki loko a ringeta ku yisa areka ya ntwanano eYerusalema, naswona hi yihi dyondzo ya nkoka leyi hi nga yi dyondzaka emhakeni leyi? (1 Tikr. 15:13) [Oct. 26, w03 5/1 matl. 10-11 tindzim. 11-13]