Xana Rito Ra Xikwembu Hi Rona Leri Ku Kongomisaka Siku Ni Siku?

Ku hlaya Bibele siku ni siku swi nga hi pfuna leswaku hi “dzima timitsu” hi tlhela hi “tiyisiwa eripfumelweni.” (Kol. 2:6, 7) Hambiswiritano, leswaku Rito ra Yehovha ri hi kongomisa evuton’wini bya hina, hi fanele hi anakanyisisa hi rona hi tlhela hi tirhisa milawu ya rona leyi kongomisaka. (Hev. 4:12; Yak. 1:22-25) Yoxuwa 1:8 yi kombisa magoza manharhu lama nga hi pfunaka loko hi hlaya: (1) Hlaya Rito ra Xikwembu “nhlikanhi ni vusiku.” (2) Ri hlaye hi “rito ra le hansi,” leswi vulaka ku hlaya hi ndlela leyi ku pfumelelaka ku anakanyisisa ni ku vona leswi u swi hlayaka ni swiyimo swa kona hi mahlo ya mianakanyo. (3) Tiyimisele ku tirhisa ‘hinkwaswo leswi tsariweke eka rona.’ Loko hi tirhisa swiringanyeto leswi swi ta endla leswaku hi “humelela” kutani hi “endla hi vutlhari” evuton’wini bya hina bya siku ni siku.