Bokisi Ra Swivutiso

◼ U fanele u tshika ku dyondza ni munhu Bibele loko swi te yini?

Loko xichudeni xi sungula ku ka xi nga ha endli nhluvuko hi tlhelo ra moya, u nga ha tshika ku dyondza na xona Bibele hi vutlhari. (Mat. 10:11) Xiya: Xana xichudeni xa wena xa Bibele xa kumeka hi nkarhi lowu mi twananeke ha wona? Xana xa yi lunghiselela dyondzo ka ha ri emahlweni? Xana xi tshame xi ta eminhlanganweni? Xana xa va byela van’wana leswi xi swi dyondzaka? Xana xi hanya hi ku pfumelelana ni milawu ya Bibele? I ntiyiso leswaku u fanele u anakanya hi malembe ya xona ni vuswikoti bya xona ni ku tlhela u tsundzuka leswaku munhu un’wana ni un’wana u endla nhluvuko hi ndlela leyi nga faniki. Nakambe, loko u endla xiboho xo tshika ku dyondza na xona, endla xichudeni xa wena xi titwa xi ntshunxekile ku tlhela xi dyondza enkarhini lowu taka.—1 Tim. 2:4.