Landzelerisisa Mikondzo Ya Kreste

Yesu u hi vekele xikombiso lexi hi faneleke hi xi tekelela, ngopfungopfu loko hi langutana ni miringo kumbe hi xanisiwa. (1Pe 2:21-23) Loko va n’wi rhukana ni loko va n’wi xanisa a nga tlheriselanga. (Mr 15:29-32) I yini lexi n’wi pfuneke leswaku a kota ku tiyisela? Hi leswi a tiyimisele ku endla ku rhandza ka Yehovha. (Yh 6:38) Nakambe a wu langutele hi mahlongati “ntsako lowu a wu vekiwe emahlweni ka yena.”—Hv 12:2.

Xana loko hi xanisiwa hikwalaho ka ripfumelo ra hina hi angula njhani? Vakreste va ntiyiso a va “tlheriseli swo biha hi swo biha.” (Rhm 12:14, 17) Loko hi tekelela ndlela leyi Kreste a tiyiseleke maxangu ha yona, hi ta tsaka hikuva hi ta va ni vuxaka lebyinene ni Xikwembu.—Mt 5:10-12; 1Pe 4:12-14.

HLALELANI VHIDIYO LEYI NGE VITO RA YEHOVHA I RA NKOKA, KUTANI MI HLAMULA SWIVUTISO LESWI LANDZELAKA:

• Makwerhu wa xisati Pötzingera u wu tirhise njhani nkarhi wakwe hi vutlhari loko a pfaleriwe a ri yexe ekhotsweni?

• Hi wahi maxangu lawa Makwerhu Pötzinger ni nghamu yakwe va ma tiyiseleke etikampeni ta nxaniso?

• I yini lexi va pfuneke leswaku va kota ku tiyisela?