U Nga Swi Kota Ku Va Ni Vuxaka Lebyinene Ni Xikwembu Hambiloko U Ri Ni “Mutwa Enyameni”!

Emasikwini lawa yo hetelela, malandza ya Xikwembu hinkwawo ma kayakayisiwa hi swiphiqo leswi fanaka ni mutwa enyameni. (2Tm 3:1) Hi nga titshega njhani hi Yehovha leswaku hi kota ku tiyisela maxangu lawa hi langutanaka na wona? Hlalelani vhidiyo leyi nge “Mahlo Ya Lava Nga Voniki Ma Ta Pfuriwa,” mi vona leswi Talita Alnashi ni vatswari vakwe va swi endleke, endzhaku mi hlamula swivutiso leswi landzelaka:

• Hi wihi “mutwa” lowu Talita a nga na wona enyameni?

• Hi swihi switshembiso leswi pfuneke Talita ni vatswari vakwe leswaku va tshama va ri ni langutelo lerinene?

• Vatswari va Talita va swi kombise njhani leswaku va titshege hi Yehovha loko Talita a ha ku endliwa vuhandzuri?

• Vatswari va Talita va ti tirhisa njhani tivhidiyo ni tibuku leti nhlengeletano yi hi humeselaka tona leswaku va pfuna Talita a rhandza Xikwembu?

• Talita u swi kombisa njhani leswaku vuxaka byakwe na Yehovha byi ya byi kula hambileswi a nga ni “mutwa enyameni”?

• Xikombiso xa Talita xi ku khutaze njhani?