MAHANYELO YA VAKRESTE

Ku Ti Khoma Hi Ndlela Leyinene Ni Ku Xixima Swi Nga Endla Loyi U Tekaneke Na Yena A Dyondza Ntiyiso

Mahanyelo lamanene ya vavasati lava nga Vakreste hakanyingi ma endla leswaku vanuna va vona va va Vakreste. Hambiswiritano, swi lava va tiyisela. (1Pe 2:21-23; 3:1, 2) Loko u khomiwa hi ndlela yo biha, yana emahlweni u hlula swo biha hi leswinene. (Rhm 12:21) Ku ti khoma ka wena lokunene ku nga endla nuna wa wena a sungula ku tsakela ntiyiso.

Ringeta hi matimba leswaku u nga rhangisi swilaveko swa wena ntsena. (Flp 2:3, 4) Vana ni ntwelavusiwana naswona u hetisisa vutihlamuleri bya wena hinkwabyo hi ku ti tsongahata. Vana muyingiseri lonene. (Yk 1:19) Lehisa mbilu naswona komba loyi u tekaneke na yena ku wa n’wi rhandza. Hambiloko a nga ri na musa kumbe a nga ku xiximi, tiyiseka leswaku Yehovha wa ku tlangela ku tshembeka ka wena.—1Pe 2:19, 20.

HLALELANI VHIDIYO LEYI NGE YEHOVHA WA HI TIYISA KU LANGUTANA NI SWIYIMO SWO TIKA, KUTANI MI HLAMULA SWIVUTISO LESWI LANDZELAKA:

Vutomi bya Grace Li a byi ri njhani loko a ha ku cata?
I yini lexi endleke a tsakela ku dyondza ntiyiso wa Bibele?
Makwerhu Grace Li u swi kotise ku yini ku tiyisela swiphiqo leswi a a langutana na swona endzhaku ka loko a khuvuriwile?
Grace Li a khongela mayelana ni nuna wakwe loko swi te yini?
Hi yihi mikateko leyi Grace Li a yi kumeke hikwalaho ka ku tshembeka ni ku ti khoma kakwe lokunene?

Swifaniso: Swiphemu swa vhidiyo leyi nge, ‘Yehovha Wa Hi Tiyisa Ku Langutana Ni Swiyimo Swo Tika,’ leswi kombisaka nhluvuko lowu Grace Li a wu endleke. 1. Grace a ri karhi a rila 2. Makwerhu wa xisati u dyondza Bibele na Grace Li. 3. Grace ni vana vakwe va ri karhi va ya emihlanganweni. 4. Grace a ri ni swirho swa ndyangu eHolweni Ya Mfumo. — Ku ti khoma hi ndlela leyinene ni ku xixima swa pfuna swinene!