Hi Khensa Xikwembu Na Kreste Hikwalaho Ka Ntshunxeko Lowu Taka

Hi yihi mintlhontlho leyi u langutanaka na yona? Xana u nhloko ya ndyangu leyi nga ni vutihlamuleri byo tala? Xana u mutswari la nga yexe loyi a waka a pfuka leswaku a wundla ndyangu wakwe? Xana u muntshwa loyi a xanisiwaka exikolweni? Xana u karhatiwa hi mavabyi kumbe u na swiphiqo swa rihanyo hileswi u dyuhaleke? Hinkwerhu hi langutana ni swiphiqo. Vakreste van’wana va langutana ni miringo yo tala hi nkarhi wun’we. Hambiswiritano, ha swi tiva leswaku ku nga ri khale Yehovha u ta swi herisa swiphiqo leswi hi langutanaka na swona.—2Ko 4:16-18.

Kambe loko ha ha rindzele sweswo, swa hi chavelela ku tiva leswaku Yehovha wa swi tiva swiphiqo leswi hi langutanaka na swona hikwalaho u teka ku tshembeka ni ku tiyisela ka hina ku ri ka nkoka naswona u ta hi katekisa. (Yr 29:11, 12) Yesu na yena wa hi rhandza. Loko hi endla ntirho lowu hi nyikiweke wona tanihi Vakreste, u hi tshembisa a ku: “Ndzi na n’wina.” (Mt 28:20) Loko hi anakanyisisa hi ntshunxeko lowu hi nga ta wu kuma ehansi ka Mfumo wa Xikwembu hi ta va ni ripfumelo leri tiyeke naswona swi ta endla hi tiyimisela ku tiyisela miringo leyi hi langutanaka na yona sweswi.—Rhm 8:19-21.

HLALELANI VHIDIYO LEYI NGE, TSHAMA U LANGUTE EKA YESU LESWI NHLOMULO LOWUKULU WU TSHINELAKA!—MIKATEKO LEYI NGA TA TISIWA HI MFUMO KUTANI MI HLAMULA SWIVUTISO LESWI LANDZELAKA:

• Swi tise ku yini leswaku vanhu va va ekule ni Xikwembu naswona ku ve ni vuyelo byihi?

• Hi yihi mikateko leyi nga ta kumiwa hi vanhu va Yehovha vo tshembeka?

• I yini leswi nga hi pfunaka leswaku hi kuma mikateko leyi?

• Hi swihi switshembiso leswi nga ta endleka emisaveni leyintshwa leswi u swi languteleke hi mahlongati?