MAHANYELO YA VAKRESTE
Yehovha Wa Hi Pfuna Hi Hlula Miringo
Emasikwini lawa yo hetelela, hi langutana ni miringo yo tala yo tika. Mikarhi yin’wana hi nga vona onge miringo ya hina a yi tiyiseleleki. Hambiswiritano, loko hi ya emahlweni hi tshinela eka Yehovha, u ta hi pfuna leswaku hi tiyisela miringo leyi nga tiyiselekiki. (Esa 43:2, 4) Hi nga tshinela njhani eka Yehovha loko hi ri emiringweni?
Xikhongelo. Loko hi phofulela Yehovha hi xikhongelo, u hi nyika ku rhula ni matimba yo tiyisela.—Flp 4:6, 7; 1Te 5:17.
Tinhlengetano ta vandlha. Hi lava switsundzuxo swa le Bibeleni ni xinghana, leswi Yehovha a hi nyikaka swona etinhlengeletanweni ta hina ta vandlha. (Hv 10:24, 25) Loko hi lunghiselela tinhlengeletano ta vandlha, hi va kona ni ku tlhela hi hlamula hi va hi tirhisa hinkwaswo leswi Yehovha a hi nyikaka swona hi moya wakwe.—Nhl 2:29.
Nsimu. Swi ta hi olovela ku ehleketa hi swilo leswinene loko hi endla hinkwaswo leswi hi nga swi kotaka leswaku hi gingiriteka ensin’wini. Hi ta tlhela hi va ni vuxaka lebyikulu na Yehovha ni vagandzerikulorhi.—1Ko 3:5-10.
HLALELANI VHIDIYO LEYI NGE, YEHOVHA U TA KU TEKA KUTANI MI HLAMULA SWIVUTISO LESWI LANDZELAKA:
I yini lexi pfuneke Malu leswaku a tshama a ri ekusuhi na Yehovha loko a ri emiringweni?
Ku fana na Malu, marito ya Pisalema 34:18 ma nga hi chavelela njhani loko hi ri emiringweni?
Ntokoto wa Malu wu swi kombisa njhani leswaku Yehovha u hi nyika “matimba lama tlulaka lama tolovelekeke” loko hi langutana ni miringo?—2Ko 4:7