DECEMBER 22-28

LESWI HI SWI DYONDZAKA EBIBELENI

1. A Ku Profetiwe Yini Hi Mesiya?

(10 min.)

A ta va ntukulu wa Yese hileswi a ta huma erixakeni ra Davhida (Esa 11:1; ip-1 159 ¶4-5)

A ta va ni moya wo kwetsima wa Xikwembu ni ku tlhela a xi xixima (Esa 11:2, 3a; ip-1 159 ¶6; 160 ¶8)

A ta va a lulamile ni ku va muavanyisi loyi a nga ni tintswalo (Esa 11:3b-5; ip-1 160 ¶9; 161 ¶11)

Yesu u fuma tanihi Hosi etilweni naswona voko rakwe ri kombetela emisaveni leyi nga paradeyisi.

SWO ANAKANYISISA HI SWONA: I yini leswi endlaka leswaku Yesu a va la tlakukeke ku tlula vafumi hinkwavo?

2. Endla Ndzavisiso

(10 min.)

Esa 11:10—Byi hetiseke njhani vuprofeta lebyi? (ip-1 165-166 ¶16-18)

Nhlamulo ya wena
I yini leswi u swi dyondzeke eka ku hlaya ka Bibele ka vhiki leri leswi u nga tsakelaka ku hi byela swona?

Nhlamulo ya wena

3. Ku Hlayiwa Ka Bibele

(4 min.) Esa 11:1-12 (th dyondzo 11)

NDZETELO WA NTIRHO WO CHUMAYELA

4. Ku Sungula Mabulo

(3 min.) YINDLU NI YINDLU. (lmd dyondzo 2 yinhla 5)

5. Ku Landzelerisa

(4 min.) KU CHUMAYELA ETINDHAWINI TA MANI NA MANI. Tirhisa jw.org ku hlamula munhu loyi a ku vutiseke xivutiso. (lmd dyondzo 8 yinhla 3)

6. Ku Endla Vadyondzisiwa

(5 min.) Pfuna xichudeni xa wena leswaku xi lunghekela ku ya chumayela na wena hi yindlu ni yindlu. (lmd dyondzo 11 yinhla 4)

MAHANYELO YA VAKRESTE

7. Xana U ‘Avanyisa Hi Ndlela Yo Lulama’?

(15 min.) Bulo ni vayingiseri.

Vamakwerhu vambirhi lava nga ensin’wini va ri karhi va chumayela wanuna loyi a chavisaka loyi a nga ni ti-tattoo. Makwerhu loyi a ha riki muntshwa u tlanga vhidiyo leyi nge, “Hayini U Fanele U Dyondza Bibele?” Ekhumbini ku ni xifaniso xa xichayachayana lexi tlangaka vuyimbeleri lebyi nga ni huwa.

Masiku hinkwawo hi avanyisa vanhu naswona mikarhi yin’wana hi va hi nga tivi swo tala hi vona. Hi ntolovelo hi avanyisa vanhu hi ku ya hileswi hi va vonisaka xiswona. Hambiswiritano, Yesu loyi a hi vekeleke xikombiso lexinene u avanyisa hi ndlela leyi hambaneke. (Esa 11:3, 4) Yesu wa swi kota ku vona mbilu ni ku twisisa miehleketo ya munhu, ndlela leyi a endlaka swilo hayona ni swikongomelo swakwe. Kambe hina a hi na byona vuswikoti lebyi. Hambiswiritano, hi nga swi kota ku tekelela Yesu. U te: “Mi nga vi ni xihlawuhlawu loko mi avanyisa, kambe avanyisani hi ndlela yo lulama.”—Yh 7:24.

Ku avanyisa van’wana hi ku ya hi leswi hi swi vonaka eka vona, swi nga endla hi nga ha hiseki ni ku tikarhata entirhweni wo chumayela. Hi xikombiso, xana ha kanakana ku chumayela vanhu va rixaka ro karhi kumbe vukhongeri byo karhi? Ku vuriwa yini hi vanhu lava nga fuwa kumbe lava nga swisiwana? Xana hi gimeta hi ku ehleketa leswaku munhu a nge hi yingiseli hikwalaho ka ndlela leyi a langutekaka hayona? I ku rhandza ka Xikwembu leswaku “vanhu hinkwavo va ponisiwa kutani va wu tiva kahle ntiyiso.”—1Tm 2:4.

Tlanga VHIDIYO Leswi Hi Swi Dyondzaka Eka Xihondzo Xo Rindza—Mi Nga Avanyisi Hi Ku Landza Ku Languteka Ka Munhu. Kutani u vutisa vayingiseri swivutiso leswi:

I xihlawuhlawu xihi lexi kombisiweke eka vhidiyo?

Nhlamulo ya wena
Loko ho pfumelela xihlawuhlawu xi nghena evandlheni, xana ku ta va ni vuyelo byihi byo biha?

Nhlamulo ya wena
I yini leswi pfuneke Vakreste lava ku vulavurisaniweke na vona eka vhidiyo leswaku va papalata ku avanyisa hi ku ya hi ndlela leyi munhu a langutekaka hayona?

Nhlamulo ya wena
Hi tihi tidyondzo leti u ti dyondzaka eka vhidiyo leyi nge, Leswi Hi Swi Dyondzaka Eka Xihondzo Xo Rindza?

Nhlamulo ya wena

8. Dyondzo Ya Bibele Ya Vandlha

(30 min.) lfb dyondzo 46-47