Swilo Swo Chavisa Leswi Endlekaka Hi Nkarhi Wa Nyimpi

“Swiendlakalo swo chavisa swo tanihi ku onhaka ka nhundzu, ku lamala vutomi hinkwabyo kumbe rifu swi endleka u lo swi nhwii! U tshama u chuhile.”—Gary wa le Britain.

“Ndzi duvuriwe enhlaneni ni le xikandzeni naswona ndzi vone vanhu vo tala va dlayiwa, ku katsa ni vana ni vanhu lava kuleke. Nyimpi yi ku endla u nga ha chavi ku xaniseka ni ku fa.”—Wilmar wa le Colombia.

“Loko u vona munhu a duvuriwa emahlweni ka wena, swa tika ku swi rivala. Wa ha n’wi vona ni ku n’wi twa hi mahlo ya miehleketo a ri karhi a cema hi ku phindhaphindha. A swi olovi nikatsongo ku rivala hi munhu yoloye.”—Zafirah wa le United States.

“A ndzi titwa onge a ndzi nge he pfuki ndzi tsakile. A ndzi chava leswaku ndzi nga dlayiwa ni ku chava leswaku ndyangu ni vanghana va mina va ta dlayiwa.”—Oleksandra wa le Ukraine.

“A swi chavisa ku yima elayinini ya swakudya ku sukela hi 2 nimixo ku ya fikela hi 11 nimadyambu u ri karhi u ehleketa leswaku u nga duvuriwa nkarhi un’wana ni un’wana.”—Daler wa le Tajikistan.

“Nyimpi yi ndzi siye ndzi nga ha ri na vatswari. Yi ndzi siye ndzi nga ha ri na munhu wa ku ndzi chavelela kumbe ku ndzi hlayisa.”—Marie wa le Rwanda.