Ndzimana Ya Lembe Ya 2014

Eka malembe ya kwalomu ka 100 lama hundzeke, Yehovha u veke Yesu tanihi Hosi etilweni. Ku sukela kwalaho, malandza ya Xikwembu ma hambete ma tivisa mikateko leyi Mfumo wa Kreste wu nga ta yi tisa hi ku hiseka. Mawaku lunghelo ro tano! Loko Yesu a fuma, misava yi ta va paradeyisi leyi teleke hi vanhu lava rhandzanaka hakunene. A ku nge he vi na vugevenga, tinyimpi, mavabyi, ku xaniseka ni rifu.

Ku nga ri khale, mikateko yoleyo yi ta hetiseka. Mfumo wa Xikwembu i wa xiviri naswona wu ta ta wu ta hetisisa swikongomelo hinkwaswo swa Yehovha. Khongelela Mfumo wolowo leswaku wu ta, byela van’wana hi wona kutani u tshembela eka swilo hinkwaswo leswi wu nga ta ku endlela swona.