Hi Yingise Nkongomiso Kutani Hi Pona!

HI January 19, 1999, ku kula ka rivengo exikarhi ka Mamoslem ni Vakreste ku hetelele ku vange madzolonga kwalomu ka tikhilomitara tinharhu ku suka ekaya ra mina. Xiyimo a xi bihile swinene.a

Endzhakunyana ka loko ndzi vone leswaku ndyangu wa mina wu hlayisekile, ndzi fonele vahuweleri van’wana ku kamba loko va hlayisekile. Ndzi va kombele leswaku va rhulisa timbilu naswona va nga yi etindhawini leti nga ni khombo. Endzhakunyana, vakulu va endzele vamakwerhu leswaku va va tiyisa hi tlhelo ra moya ni ku va khutaza leswaku va hlangana, va khoma minhlangano hi mintlawa leyitsongo.

Rhavi ri hi khutaze leswaku hi rhurhisa vahuweleri hinkwavo lava a va tshama endhawini leyi nga ni khombo naswona hi hundzise nkongomiso wolowo eka mindyangu yo hlayanyana. Makwerhu un’wana loyi a aleke ku rhurha u dlayiwe hi ntshungu wa vapfukeri. Kambe un’wana ni un’wana loyi a yingiseke nkongomiso wa rhavi u ponile.