INDONESIA

A A Ri Murhangeri Wa Tinsulavoya Kambe Endzhaku U Ve Muakatiko La Xiximekaka

Hisar Sormin

U VELEKIWE HI 1911
U KHUVURIWE HI 1952
MATIMU YAKWE HI KU KOMISA A a ri murhangeri wa ntlawa wa tinsulavoya kambe u hetelele a va xirho xa Komiti ya Rhavi.

SIKU rin’wana, Makwerhu Sormin u vitaniwe hi Mukongomisi loyi a nga ni Vutivi eka hofisi ya gqwetankulu.

Mukongomisi u te: “U huma laha Indonesia, ndzi byele ntiyiso. Xana Timbhoni ta Yehovha ti endla yini laha Indonesia?”

Makwerhu Sormin u hlamule a ku: “U nge ndzi ku byela matimu ya mina. Ndzi tshame ndzi va murhangeri wa ntlawa wa tinsulavoya kambe sweswi ndzi dyondzisa vanhu Bibele. Hi leswi Timbhoni ta Yehovha ti swi endlaka laha Indonesia, ti pfuna swigevenga leswaku swi va vaakatiko lavanene.”

Endzhakunyana Mukongomisi loyi a nga ni Vutivi u vule leswi: “Ndzi twa vanhu vo tala va rila hi Timbhoni ta Yehovha. Ndza swi tiva leswaku i vukhongeri bya kahle hikuva byi pfune Nkulukumba Sormin leswaku a cinca.”