Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • g 7/07 tl. 3
  • Vutlhari Bya Ntumbuluko Bya Hlamarisa

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Vutlhari Bya Ntumbuluko Bya Hlamarisa
  • Xalamuka!—2007
  • Swihloko
  • Tinhlokomhaka Tin'wana Leti Yelana Na Yona
  • Xivumbiwa Lexi Nga Tlhariha Ku Tlula Swiharhi
  • Xinyenyana Xo Hlamarisa Lexi Vuriwaka Arctic Tern
    Xalamuka!—2017
  • Leswi Hi Swi Dyondzaka Eka Swinyenyana
    Xihondzo xo Rindza Xi Huwelela Mfumo Wa Yehovha (Nkandziyiso Wa Vanhu Hinkwavo)—2016
  • “Xiyisisani Swinene Tinyenyana”
    Xalamuka!—2014
  • Phaphatana Ra Mivalavala—Ku Tshuburiwa Ka Mhaka Leyi A Yi Nga Tiviwi
    Xalamuka!—2013
Xalamuka!—2007
g 7/07 tl. 3

Vutlhari Bya Ntumbuluko Bya Hlamarisa

“Ku rhurha ka swinyenyana i nchumu wa ntumbuluko lowu hlamarisaka swinene.”—COLLINS ATLAS OF BIRD MIGRATION.

HI DECEMBER 9, 1967, muhahisi wa xihaha-mpfhuka u vone masekwa ya kwalomu ka 30 ma ri karhi ma haha ma kongome eIreland, a ma haha eka mpfhuka lowu hlamarisaka wa kwalomu ka 8 200 wa timitara. Ha yini a ma hahela ehenhla hi ndlela leyi, laha moya wa kona wu titimelaka swinene, wu nga le ka -40 wa tidigri Celsius? A ma balekela mimoya leyi nga ni gamboko loko ma hahela ehansinyana, kasi le henhla moya a wu ma pfuna ku haha hi rivilo leri ringanaka 200 wa tikhilomitara hi awara. Ku ringanyetiwe leswaku masekwa lawa ma hete riendzo ra wona ra 1 300 wa tikhilomitara ku suka eIceland ku ya eIreland ku nga si hela tiawara ta nkombo.

Xinyenyana lexi kotaka ku rhurhela etindhawini ta le kule ku tlula swinyenyana hinkwaswo i xinyenyana lexi vuriwaka—arctic tern—xi tshikela ni ku kurisa mavondlo ya xona le Arctic Circle kambe hi xixika xi kumeka le Antarctic. Xinyenyana lexi xo soleka xi kota ku haha mpfhuka wa kwalomu ka 40 000 ku ya eka 50 000 wa tikhilomitara hi lembe—ku nga mpfhuka lowu lavaka ku ringana ni ku rhendzeleka misava hinkwayo!

Magumba [ntavila] wona ma tshikela ni ku kurisa mavondlo ya wona le Yuropa N’walungu kutani hi xixika ma ta haleno Afrika Dzonga, ma haha mpfhuka wa kwalomu ka 24 000 wa tikhilomitara ku ya ni ku vuya. Magidi-gidi ya magumba lawa ma hundza hi le Israyele hi xixikana ni hi ximun’wana, ma hanya hi ndlela ya wona ya khale swinene leyi a yi tiveka eminkarhini ya Bibele.—Yeremiya 8:7.

I mani la nga endla leswaku swinyenyana swi tumbuluka swi tlharihile? Emalembeni ya kwalomu ka 3 500 lama hundzeke, Xikwembu xi vutise Yobo wanuna wo lulama, xivutiso lexi nge: “Xana wa swi twisisa leswaku ha yini xikhozana xi haha, xi tharamula timpapa ta xona hi tlhelo ra mheho ya le dzongeni? Kumbe, xana gama ri hahela ehenhla hikwalaho ka xileriso xa wena nileswi ri akaka xisaka xa rona ehenhla swinene?” Loko a hlamula, Yobo u dzunise Xikwembu hikwalaho ka vuswikoti byo hlamarisa bya swinyenyana ni swiharhi swin’wana.—Yobo 39:26, 27; 42:2.

Xivumbiwa Lexi Nga Tlhariha Ku Tlula Swiharhi

Xivumbiwa xo tlhariha laha misaveni ku nga munhu, a xi kongomisiwi hi ntumbuluko ku fana ni swiharhi. Ku ri na sweswo, hi ni ntshunxeko wa ku tihlawulela ni ripfalo ni mfanelo ya rirhandzu. (Genesa 1:27; 1 Yohane 4:8) Hikwalaho ka tinyiko leti, hi nga endla swiboho leswinene leswi minkarhi yin’wana swi kombaka rirhandzu lerikulu ni ku tinyiketela.

Mahanyelo ya munhu ni ndlela leyi a langutaka vutomi ha yona swi vangiwa hi leswi a dyondzisiweke swona kumbe leswi a kalaka a nga swi dyondzangiki ku sukela evutsongwanini. Hikwalaho ka sweswo, vanhu va nga ha va ni mavonelo yo hambana-hambana loko swi ta emhakeni ya leswaku hi wihi nchumu lowunene kumbe wo biha ni leswi amukelekaka ni leswi nga amukelekiki. Ku hambana loku, hi kona loku nga vangaka ku nga twisisani, ku tsandzeka ku hanyisana ni van’wana hambi ku ri rivengo, ngopfu-ngopfu loko timhaka ta kona ti fambisana ni ndhavuko, ku rhandza tiko ni vukhongeri.

A swi ta va swinene loko vanhu hinkwavo a vo landzela milawu yin’we ya mahanyelo ni ntiyiso wa Bibele, ku fana ni leswi hinkwerhu ka hina hi landzelaka milawu leyi lawulaka vuako hinkwabyo! Kambe, xana u kona munhu loyi a nga vekaka milawu leyi nga landzeriwaka hi misava hinkwayo? Loko a ri kona, xana u ta yi veka kumbe se u yi vekile? Swivutiso leswi swi ta tlhuvutsiwa exihlokweni lexi landzelaka.

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela