Watchtower LAYIBURARI YA LE KA WEB SITE
Watchtower
LAYIBURARI YA LE KA WEB SITE
Xitsonga
  • BIBELE
  • MIKANDZIYISO
  • TINHLENGELETANO TA VANDHLA
  • g19 No. 2 matl. 10-11
  • Ndlela Yo Va Ni Vutihlamuleri

A ku na vhidiyo.

Hi khomele, ku ve ni xiphiqo loko hi tlanga vhidiyo leyi.

  • Ndlela Yo Va Ni Vutihlamuleri
  • Xalamuka!—2019
  • Swihloko
  • Tinhlokomhaka Tin'wana Leti Yelana Na Yona
  • KU VA NI VUTIHLAMULERI SWI KATSA YINI?
  • HIKWALAHO KA YINI KU VA NI VUTIHLAMULERI SWI RI SWA NKOKA?
  • NDLELA YO DYONDZISA VANA KU VA NI VUTIHLAMULERI
  • Nkoka Wo Endla Mitirho Ya Le Kaya
    Xalamuka!—2017
  • Ku Dyondza Ku Hambana Ni Vana Va Wena
    Xalamuka!—1998
  • 8 Vanani xikombiso lexinene
    Xalamuka!—2018
  • Xana Bibele Yi Nga Ku Pfuna Eku Leteleni Ka Vana Va Wena?
    Xihondzo xo Rindza Xi Huwelela Mfumo Wa Yehovha—2004
Vona Swo Tala
Xalamuka!—2019
g19 No. 2 matl. 10-11
Tatana a ri karhi a dyondzisa n’wana wakwe ku cheleta ximilani

DYONDZO 4

Ndlela Yo Va Ni Vutihlamuleri

KU VA NI VUTIHLAMULERI SWI KATSA YINI?

Vanhu lava nga ni vutihlamuleri va tshembeka. Loko va nyikiwe ntirho va wu endla kahle va tlhela va wu hetisisa hi nkarhi.

N’wana a nga dyondza ku va ni vutihlamuleri hambiloko a ha ri ntsongo. Hi ku ya hi buku leyi nge, Parenting Without Borders, “loko vana va ri ni lembe ni tin’hweti tinharhu va endla leswi vatswari va va byelaka swona kambe loko se va ri ni lembe ni tin’hweti ta tsevu va lava ku endla xin’wana ni xin’wana lexi vatswari va xi endlaka. Hi ku ya hi mindhavuko yo tala loko vana va ri ni malembe ya ntlhanu ku ya eka nkombo, vatswari va vona va sungula ku va dyondzisa ndlela leyi va nga pfunaka ha yona ekaya. Hambiloko va ri vatsongo vana va nga swi kota ku endla mitirho yo tala hi ndlela leyinene.”

HIKWALAHO KA YINI KU VA NI VUTIHLAMULERI SWI RI SWA NKOKA?

Etindhawini tin’wana, vantshwa vo tala va rhurha ekaya leswaku va ya ti hanyela vutomi bya vona kambe loko swi nga va fambeli kahle va tlhelela eka vatswari va vona. Hakanyingi leswi swi vangiwa hileswi vantshwa vo tala va nga dyondzisiwangiki ku tirhisa mali hi vutlhari, ku khathalela ndyangu kumbe ku va ni vutihlamuleri.

Hikwalaho i swinene ku dyondzisa vana va wena ku va ni vutihlamuleri sweswi leswaku va ta tiva leswi va faneleke ku swi endla loko se va kurile. Buku leyi nge, How to Raise an Adult yi ri: “Mhunti yi biwa ya ha ri ni mahika, dyondzisa vana va wena va ha ri vatsongo leswaku loko se va kurile va tiva leswi va faneleke ku swi endla.”

NDLELA YO DYONDZISA VANA KU VA NI VUTIHLAMULERI

Va nyike mitirho leyi va faneleke va yi endla.

NSINYA WA NAWU WA LE BIBELENI: “Ku ni vuyelo lebyinene eka ku tikarhata ka muxaka wun’wana ni wun’wana.”—Swivuriso 14:23.

Vana va swi rhandza ku pfuna vatswari va vona eka mitirho yin’wana ni yin’wana leyi va yi endlaka. Leswi va swi tsakelaka ku tirha namba u va nyika mitirho leyi va nga yi endlaka ekaya.

Vatswari van’wana a va swi lavi ku endla tano. Va vula leswaku a va lavi ku nyika vana va vona mitirho ekaya hikuva va ni mitirho yo tala exikolweni kutani a va lavi ku va engetela ndzhwalo.

Vana lava nga ni mitirho ekaya hi vona lava pasaka exikolweni hikuva yi va dyondzisa ku endla mitirho kukondza va yi heta. Buku leyi nge, Parenting Without Borders yi vula leswaku, “Loko hi sivela vana va hina loko va lava ku hi pfuna loko va ha ri vatsongo va ta hetelela va anakanya leswaku ku pfuna van’wana a hi swa nkoka . . . Va nga ha hetelela va anakanya leswaku va ta dya va tshamile.”

Hilaha buku leyi yi vulaka hakona, loko vana va endla mitirho ya le kaya va dyondza ku pfuna van’wana ku nga ri ku va ni vutianakanyi. Loko vana va endla mitirho ya le kaya swi va endla va titwa va ri va nkoka endyangwini naswona va swi twisisa leswaku hi leswi va faneleke ku swi endla.

Va pfune va twisisa leswaku loko va endla swihoxo ku ta va ni vuyelo byo biha.

NSINYA WA NAWU WA LE BIBELENI: “Yingisa xitsundzuxo u tlhela u amukela ndzayo, leswaku u ta tlhariha eka vumundzuku bya wena.”—Swivuriso 19:20.

Loko n’wana wa wena a onhele un’wana swilo swakwe, u nga n’wi yimeleli eka leswi endlekeke. Vana swa va olovela ku amukela swihoxo leswi va swi endleke, hikwalaho kombela ku rivaleriwa u tlhela u riha leswi va swi onheke.

Loko vana va amukela swihoxo swa vona swi ta va dyondzisa

  • leswaku va tshembeka va tlhela va amukela swihoxo swa vona

  • leswaku va nga kombi van’wana hi rintiho

  • leswaku va nga tiyimeleli

  • leswaku va kombela ku rivaleriwa loko swi fanerile

Tatana a ri karhi a dyondzisa n’wana wakwe ku cheleta ximilani

N’WI LETELE TO HO SUKA

Vana lava nga ni vutihlamuleri va ta kota ku hanya vutomi bya vona hi ndlela leyinene loko va kurile.

Va Vekele Xikombiso Lexinene

  • Xana ndza gingiriteka, ndzi hlelekile naswona ndza wu khoma nkarhi?

  • Xana vana va mina va ndzi vona ndzi tirha ekaya?

  • Xana ndza swi amukela swihoxo swa mina ivi ndzi kombela ku rivaleriwa loko swi fanerile?

Leswi Hi Swi Endleke . . .

“Ku sukela loko va ha ri vatsongo, vana va mina a va ndzi pfuna loko ndzi endla swakudya swa nimadyambu, loko ndzi petsa mpahla ni loko ndzi basisa. A swi va tsakisa ku tirha. A va tsakela ku va na mina, va endla leswi ndzi swi endlaka. Sweswo swi va dyondzise ku va ni vutihlamuleri.”—Laura.

“Siku rin’wana ndzi byele n’wana wa hina wa jaha leswaku a kombela ku rivaleriwa eka ndlela leyi a vulavuleke ni munghana wakwe ha yona. Emalembeni lama hundzeke, a boheka ku kombela ku rivaleriwa ko tala eka swiyimo swo hambanahambana hikwalaho ko ka a nga kombisi musa eka van’wana kambe sweswi u dyondze ku kombela ku rivaleriwa loko a endle xihoxo.”—Debra.

KU KOMBA N’WANA VUYELO BYA SWIHOXO SWAKWE

Eka magazini leyi vuriwaka Atlantic, Jessica Lahey loyi a nga mudyondzisi u tsale leswi: “I swa nkoka ku va vatswari va tsundzuka leswaku vana va ta dyondza eka swihoxo swa vona. Lembe ni lembe a ndzi ri ni swichudeni leswi a swi endla swihoxo naswona vatswari va swona a va nga swi yimeleli, ematshan’weni ya sweswo a va swi pfuna ku lulamisa swihoxo swa swona, swichudeni leswi hi swona leswi a swi tsakile swi tlhela swi humelela.”

    Minkandziyiso Ya Xitsonga (1987-2025)
    Huma
    Nghena
    • Xitsonga
    • Rhumela
    • Leswi u swi tsakelaka
    • Copyright © 2025 Watch Tower Bible and Tract Society of Pennsylvania
    • Swipimelo Swo Tirhisa Website Leyi
    • Milawu Yo Sirhelela Rungula Ra Xihundla
    • Seta Swa Xihundla
    • JW.ORG
    • Nghena
    Rhumela