4. Xana Hi Vumberiwe Ku Xaniseka?

Lexi Endlaka Swi Va Nkoka

Nhlamulo ya xivutiso lexi yi khumba ndlela leyi hi hanyaka ha yona.

Mhaka Yo Anakanyisisa Ha Yona

Ha yini Xikwembu lexi vumbeke swilo swo saseka xi pfumelela ku xaniseka?

Loko vanhu lava nga ngheniki kereke va xaniseka va namba va tiyisekisa mhaka ya leswaku a ku na Xikwembu. Va tshemba leswaku ku xaniseka ku kombisa leswaku (1) Xikwembu a xi na matimba yo herisa ku xaniseka, (2) Xikwembu a xi swi lavi ku herisa ku xaniseka kumbe va gimeta hi leswaku (3) Xikwembu a xi kona.

Xana sweswo hi swona ntsena leswi endlaka leswaku vanhu va Xaniseka?

Leswi Bibele Yi Swi Vulaka

Xikwembu a xi hi vumbelanga ku xaniseka.

Xi lava hi tiphina hi vutomi.

‘A ku na nchumu lexi antswaka eka vanhu ematshan’weni yo tsaka ni ku endla leswinene evuton’wini bya vona ni leswaku munhu un’wana ni un’wana u fanele a dya kunene anwa a kuma leswinene entirhweni wakwe hinkwawo wa matimba. I nyiko leyi humaka eka Xikwembu.’—EKLESIASTA 3:12, 13.

Xikwembu xi nyike vanhu vo sungula hinkwaswo leswi va swi lavaka leswaku va hanya handle ko xaniseka.

A xi nga va vumbelanga leswaku vona ni vatukulu va vona va xaniseka.

“Xikwembu xi ku eka vona: ‘Tswalanani mi andza mi tata misava mi yi fuma.’”—GENESA 1:28.

Vanhu vo sungula va hlawule ku nga xi yingisi Xikwembu.

Hikwalaho ka sweswo, va tivangele ku xaniseka lokukulu swin’we ni vatukulu va vona.

“Hi yona mhaka leyi tanihi leswi xidyoho xi ngheneke emisaveni hi munhu un’we ni rifu hikwalaho ka xidyoho xisweswo rifu ri tlulele vanhu hinkwavo hikuva hinkwavo va dyohile.”—VARHOMA 5:12.a

Xikwembu a xi vumbanga vanhu va ri ni vuswikoti byo tilawula.

Tanihi leswi swi nga kotekiki leswaku vanhu va hanya ematini a swi koteki leswaku vanhu va tifuma.

“Munhu loyi a fambaka a nga ka a nga wu kongomisi nkondzo wa yena.”—YEREMIYA 10:23.

Xikwembu a xi swi lavi leswaku hi xaniseka.

Xi lava leswaku hi hanya hi nga ri na swiphiqo.

“Kunene loko a wu yingise swileriso swa mina! Kutani ku rhula ka wena a ku ta fana ni nambu.”—ESAYA 48:18.