5. Xana Ku Xaniseka Ku Ta Kala Ku Hela?
Lexi Endlaka Swi Va Swa Nkoka
Loko hi ri ni swivangelo swo tshemba leswaku ku xaniseka ku ta hela swi ta hi pfuna leswaku hi va ni langutelo lerinene hi vutomi ni hi Xikwembu.
Mhaka Yo Anakanyisisa Ha Yona
Vanhu vo tala va swi lava ku herisa ku xaniseka kambe a va na matimba yo endla tano. Xiya swivangelo swa kona:
Hambileswi ku nga ni mimirhi yo tala namuntlha . . .
Vuvabyi bya mbilu byi dlaya vanhu vo tala swinene.
Lembe ni lembe Khensa yi dlaya timiliyoni ta vanhu.
Dokodela David Bloom u ri: “Hambileswi ku nga ni mirhi yo tala namuntlha, ka ha ri ni mavabyi yo tala lawa madokodela ma tsandzekaka ku ma tshungula, ku engetela kwalaho vanhu va khomiwa hi mavabyi lamantshwa nkarhi ni nkarhi. Ni mavabyi lama hi nga si tshamaka hi twa ha wona.”
Hambi ku ri matiko lama yimeke kahle hi swa timali . . .
Lembe na lembe ku fa vana va timiliyoni naswona leswi swi endleka ngopfu eka matiko lama sweleke.
Tibiliyoni ta vanhu ti hanya endhawini leyi nga riki na vukorhokeri lebyinene.
Madzana ya timiliyoni ta vanhu a va na mati lama baseke.
Hambileswi namuntlha vanhu va tivaka ndlela leyi va faneleke va khoma van’wana ha yona . . .
Xiviko xa Nhlangano Wa Matiko xi ri: “Ku tlhakisiwa ka vanhu ku ya emahlweni ematikweni yo tala naswona leswi swi nga ha va swi vangiwa hi leswi vanhu lava swi endlaka va nga khomiwiki kumbe hikwalaho ka leswi valawuri va nga swi tiviki leswaku swi le ku endlekeni kumbe hileswi va nga riki na switirhisiwa swo lwisana ni mhaka leyi.”
DYONDZA LESWI ENGETELEKEKE
Hlalela vhidiyo leyi nge, Mfumo Wa Xikwembu I Yini? ya kumeka eka jw.org/ts.
Leswi Bibele Yi Swi Vulaka
Xikwembu xa khathala hi hina.
Xa ma vona maxangu lawa hi langutanaka na wona.
“[Yehovha] a nga n’wi langutelanga ehansi hambi ku ri ku nyenya ku xaniseka ka la xanisekaka; naswona a nga n’wi tumbetelanga xikandza xakwe, u n’wi twile loko a kombela ku pfuniwa.”—PISALEMA 22:24.
“Lahlelani ku vilela hinkwako ka n’wina eka xona, hikuva xa mi khathalela.”—1 PETRO 5:7.
Ku xaniseka ku ta hela.
Bibele yi tshembisa leswaku xitshembiso xa Xikwembu xi ta hetiseka.
“Xikwembu . . . xi ta sula mihloti hinkwayo ematihlweni ya vona, rifu a ri nge he vi kona, hambi ku ri ku kolola, ni xirilo ni xitlhavi a swi nge he vi kona.”—NHLAVUTELO 21:3, 4.
Xikwembu xi ta herisa lexi vangeke leswaku vanhu va xaniseka.
Xi ta endla sweswo hi ku tirhisa Mfumo wa xona lowu Bibele yi wu vulaka Mfumo wa xiviri.
“Xikwembu xa le tilweni xi ta veka mfumo lowu wu nga ta ka wu nga lovisiwi. Mfumo lowu wu nga ka wu nga hundziseriwi eka vanhu van’wana. . . . kambe wona wu ta tshama hilaha ku nga riki na makumu.”—DANIYELE 2:44.