Risimu 2

Ku Yingisa Xikwembu Ku Tlula Vanhu

(Mintirho 5:29)

1. Misava hi yi siyile

Se hi va Yehovha,

A hi vileli hi lava

Va hi hlekulaka.

A hi yingisi van’wana,

Hi yingisa Yehovha.

Hi n’wi dzunisa hi ntirho

Ni ku hanyela yena.

2. Vafumi hi ta va nyika

Hinkwaswo swa vona.

Yehovha wa dzunisiwa

Ni ku xiximiwa.

A hi nge he tihanyeli

Leswi hi xaviweke.

Hi ta yingisa, hi khensa

Yehovha Hosi ntsena.

3. Leswaku Hosi yi tsaka,

Hi va ni ku rhula,

Hi venga swilo swo biha,

Hi tshika mivango.

Hi nyika Hosi Yehovha

Leswi n’wi fanelaka.

Xisweswo hi ta yima ni

Vuhosi bya Yehovha.

4. Ku rhanga ntirho wa yena;

A hi nge wu tshiki.

Vo tala va fa hi torha

Va lava ntiyiso.

Ha xi tiva xo xi endla,

Hambi va hi xanisa.

Yehovha a nge hi tshiki,

Loko hi n’wi yingisa!