Risimu 72

Ntsako Ni Mihandzu Ya Ntirho Wa Mfumo

(Matewu 5:12)

1. Entirhweni wa Hosi Yehovha (hina)

Hi ni ntsako wo hlawuleka,

Hi vula mahungu lamanene,

Ya ku chavelela van’wana (van’wana).

Swi hi laha Yesu a nga vula (a ku):

Ku hanana ku tisa ntsako.

Hi nga va ha yini lexo antswa

Handle ka ntiyiso lowa vutomi.

2. Hambi loko vanhu va hi sandza (sandza),

Loko hi dyondzisa ’tindlwini,

Hi hlayisa ku tinyiketela,

Hi tiya hi va vo tshembeka (tshembeka).

Loko hina ho xaniseriwa (kona)

Ku dzunisa vito ra Hosi,

Hi fanele ku tsaka hi sweswo,

Vaprofeta va xanisiwe tano.

3. Ntirho wo kwetsima wa tsakisa (ngopfu)

Loko hi landzelela Yesu,

Hi twarisa siku ra Yehovha,

Hi tsundzuxa vo homboloka (ha rona).

Hi ni ntshembo wa lava rhandzaka (ntsena)

Laha ku nga hava vubihi.

Leswi swi hi tisela ku tsaka,

Swin’we ni ntshembo wo kuma vutomi.