Risimu 111

Ku Vonakala Ku Ya Ku Engeteleka

(Swivuriso 4:18)

1. Rivoningo ra Rito ra Yehovha

Ri ya ri vonakala, ri ya ri kula (ri vonakala).

Yehovha u hlavutela ntiyiso;

Wa hi kombela u ri: ‘Yingiselani’ (yingisani).

Sweswi hi fularherile

Vukhongeri bya mavunwa.

Se hi kume

Ntiyiso sweswi.

Rivoningo ri tlhava bya miseve,

Ri yisa ku vonakala ’ka vo lulama,

’Ka vo lulama.

2. Rivoningo ra vanhu vo lulama

Yehovha wa ri tisa hi ku va rhandza (hi ku va rhandza).

Yehovha u yimbula ku twisisa;

U wundla vanhu vakwe hi Rito rakwe (ra ntiyiso).

Ku nga hetiseki loku,

Ku nga endla hi hambuka,

Kambe Rito

Ri nga hi pfuna.

Xikwembu xi rhumela rivoningo.

Xi engetela hi ntamu ku vonakala,

Ku vonakala.

3. Ndlela yerhu hinkwayo ya kwetsima

Yi tele ku vangama tanihi dyambu (ra ni nhlikanhi).

Hosi yerhu hi yona rivoningo;

Yi ta hi voningela, hi nga vileli (nikatsongo).

Hi nga jahi rivoningo

Ra ntiyiso wa Yehovha,

A hi tshamen’

Ndleleni yakwe.

Rivoningo ri ta ya ri vangama.

Va musa va tiphina hi ku vonakala.

Ku vonakala.