Risimu 150

Xinkwa Lexi Humaka eTilweni

(Yohane 6:51)

1. Tatana wa le henhla

A wu hundzuki ni kan’we,

Ha ku hlawulekisa,

Hi ku dzunisa hi ntsako.

Hi ndlela ya rirhandzu,

U vile Murisi,

U he Vaisrayele

Swakudya swa manna.

U va timule torha

Hi mati ya le ribyeni.

U va yise Kanana

Va tsaka ngopfu swinene.

2. Swakudya leswa manna

A swi yimela Mesiya,

La nga suka ’tilweni

Leswaku a hi ponisa.

I xinkwa xa le henhla.

Hi miri wa yena

U vile Mukutsuri

Wa ku hi ponisa.

A hi phemeni xinkwa

Hi ntshembo lowu tiyeke;

Hi xi dya hi masiku

Hi tshama hi ri vo tenga.

3. Hi nga tsoni van’wana

Mahungu ya xinkwa lexi,

A hi tiheni nkarhi,

Hi nyika “tinyimpfu” xinkwa.

Hi pfuna van’wanyana

Va lava Xikwembu,

Va ta kota ku pona,

Va va vo kateka.

Endzhaku ka nhlomulo

Wa nyimpi ya Armagedon’,

Hi ta khensa Yehovha

Hi tsaka hi ntirho wakwe.