Risimu 211

Ku Hlanganyela Hi Ntsako eNtshovelweni

(Matewu 9:37, 38)

1. Mayana lunghelo ro hanya

Nkarhini lowa ntshovelo.

Tintsumi ti va “vatshoveri,”

Na hina ha ti pfuneta.

I Kreste la nga pfula ntirho,

Hi ku byala mbewu yakwe.

Mavele se ma nga tshoveriwa;

A hi tshoveleni ngopfu.

2. “Mavele” ma le “xitlatini.”

‘Nhlakulo’ se wa vonaka.

Wu lava ku hi kavanyeta,

Wu hi getselela meno.

Malandza ya Hosi ma tirha.

Ma tirha siku hinkwaro.

Wukulu ntshovelo wa tinyimpfu,

Hi nga tshiki ku ti pfuna.

3. Ku rhandza Xikwembu ni vanhu

Swi hi endla hi hatlisa.

Ntshovelo wa laveka sweswi,

Makumu ma le kusuhi.

Ntshovelo wu lava matimba,

Hi pfuna la yingisaka.

Ha tsaka swinene ensin’wini,

Hi ku kuma vanhu vantshwa.

4. Mesiya u vona mavele,

Hinkwawo se ma wupfile.

Masimu ma tele ntshovelo.

Ku ta dyondzisiwa ngopfu.

Ku tsaka ka hina kukulu,

Hi ku tirha na Yehovha.

A hi tshembekeni ka Yehovha;

Hi tlhela hi chivirika.