Va Pfumela Yini Xana?
Timbhoni ta Yehova ti pfumela eka Xikwembu xa Matimba Hinkwawo, Yehova, Muvumbi wa matilo ni misava. Vukona bya swihlamariso leswi rharhanganeke leswi endliweke eka vuako lebyi hi rhendzeleke hi laha ku twisisekaka byi komba leswaku Muvumbi wa vutlhari lebyi tlakukeke ni wa matimba hi yena a swi endleke hinkwaswo. Tanihi leswi mintirho ya vavanuna ni vavasati yi kombaka timfanelo ta vona, swi tano na hi ya Yehova Xikwembu. Bibele yi hi byela leswaku “leswi nga vonakiki swa Xikwembu, ma nga matimba ya xona lama nga heriki ni vukwembu bya xona, swa vonaka swinene loko ku anakanyiwa mintirho ya xona.” Nakambe, handle ka mpfumawulo kumbe marito, “matilo ma vula ku kwetsima ka Xikwembu.”—Varhoma 1:20; Psalma 19:1-4.
Vanhu a va vumbi timbita ta vumba, kumbe ku endla tithelevhixini na tikhompyutara va ri hava xikongomelo. Misava ni swivumbiwa swa yona swa vutomi bya swimilana ni swihari swi hlamarisa ngopfu. Xivumbeko xa miri wa munhu na titriliyoni ta wona ta tisele hi leswi swi nga twisisekiki eka hina—hambi byi ri byongo lebyi hi ehleketaka leswaku byi hlamarisa swinene hi ndlela leyi nga twisisekiki! Loko vanhu va ri na xikongomelo eku humeseni ka switshuriwa swa vona leswi vonakaka swi nga ri na nkoka loko hi pimanisa, kunene Yehova Xikwembu a a ri na xikongomelo hi switumbuluxiwa swakwe leswi hlamarisaka! Swivuriso 16:4 yi vula leswaku u na xona: “Yehova u lerisile swilo hinkwaswo emakungwini ya yena.”
Yehova u endlile misava hi xikongomelo, hi laha a vuleke ha kona eka vatekani vo sungula va vanhu: “Tswalanani, mi andza, mi tata misava . . . mi fuma ni tinhlampfi ta lwandle, ni tinyenyana ta tilo ni swin’wana hinkwaswo leswi hanyaka emisaveni.” (Genesa 1:28) Hi leswi va nga yingisangiki, vatekani lava va hlulekile ku tata misava hi mindyangu leyo lulama leyi hi rirhandzu a yi ta hlayisa misava ni swimilana ni swihari swa yona. Kambe ku hluleka ka vona a ku endli leswaku xikongomelo xa Yehova xi hluleka. Magidi ya malembe endzhakunyana ku tsariwile: “Xikwembu lexi endleke misava ni ku yi vumba . . . a nga yi endlanga mananga.” U “yi endlile leswaku yi akiwa.” A hi ya ku lovisiwa, kambe “misava yi tshama hi laha ku nga heriki.” (Esaya 45:18; Eklesiasta 1:4) Kungu ra Yehova hi misava ri ta hetiseka: “Makungu ya mina ma ta tiya, kutani ndzi ta endla ku rhandza ka mina hinkwako.”—Esaya 46:10.
Kutani ke, Timbhoni ta Yehova ti pfumela leswaku misava yi ta tshama hi laha ku nga heriki, ni leswaku vanhu hinkwavo, lava hanyaka ni lava feke, lava nga ta nghena eka xikongomelo xa Yehova xa misava leyi sasekisiweke, leyi akiweke, va ta hanya eka yona hi masiku. Vanhu hinkwavo va kume ku nga hetiseki tanihi ndzhaka eka Adamu na Evha, hikwalaho, i vadyohi. (Varhoma 5:12) Bibele ya hi byela: “Hakelo ya [ku dyoha] i rifu.” “Lava hanyaka va swi tiva leswaku va ta fa, kambe vafi a va tivi nchumu.” “Moya lowu dyohaka, hi wona lowu nga ta fa.” (Varhoma 6:23; Eklesiasta 9:5; Ezekiel 18:4, 20) Kutani va nga swi kotisa ku yini ku hanya nakambe leswaku va hlanganyela eka mikateko ya la misaveni? Hi ku tirhisa gandzelo ra nkutsulo ra Kriste Yesu ntsena, hikuva u te: “Hi mina ku pfuka ni vutomi; la pfumelaka ka mina, hambi a nga fa, u ta hanya.” “Nkarhi wa ta lowu hinkwavo lava nge masirheni va nga ta twa rito ra yena; kutani va ta huma.”—Yohane 11:25; 5:28, 29; Matewu 20:28.
Leswi swi ta endlekisa ku yini xana? Swi hlamuseriwe eka “mahungu lamanene ya mfumo” lawa Yesu a sunguleke ku ma twarisa loko a ri emisaveni. (Matewu 4:17-23) Kambe namuntlha Timbhoni ta Yehova ti chumayela “mahungu lamanene” hi ndlela yo hlawuleka swinene.
[Chati leyi nga eka tluka 13]
LESWI TIMBHONI TA YEHOVA TI SWI PFUMELAKA
DZONGA SWIVANGELO SWA MATSALWA
Bibele i Rito ra Xikwembu 2 Tim. 3:16, 17;
naswona i ntiyiso 2 Pet. 1:20, 21; Yoh. 17:17
Bibele yi tshembeka ku tlula Mat. 15:3; Vakol. 2:8
mukhuva
Vito ra Xikwembu i Yehova Ps. 83:18; Esa. 26:4; 42:8, AS;
Kriste i N’wana wa Xikwembu Mat. 3:17; Yoh. 8:42; 14:28;
naswona i ntsongo eka xona Joh 20:17; 1 Vakor. 11:3; 15:28
Kriste hi yena wo sungula eka Vakol. 1:15; Nhlav. 3:14
swivumbiwa swa Xikwembu
Kriste u fele emhandzini, Vagal. 3:13; Mintirho 5:30
hayi xihambano
Vutomi bya vumunhu bya Kriste Mat. 20:28; 1 Tim. 2:5, 6;
byi hakeriwile tanihi Tito 2:14; 1 Pet. 2:24
nkutsulo wa vanhu lava
yingisaka
Gandzelo rin’we ra Kriste a Varhoma 6:10; Vahev. 9:25-28
ri ringanile
Kriste u pfuxiwe eku feni 1 Pet. 3:18; Varhoma 6:9;
tanihi munhu wa moya la Nhlav. 1:17, 18
nga fiki
Vukona bya Kriste i bya moya Yoh. 14:19; Mat. 24:3;
Mfumo ehansi ka Kriste wu Esa. 9:6, 7; 11:1-5;
ta lawula misava hi ku lulama Dan. 7:13, 14; Mat. 6:10
ni ku rhula
Mfumo wu tisa swiyimo Ps. 72:1-4;
leswinene swa vutomi emisaveni Nhlav. 7:9, 10, 13-17; 21:3, 4
Misava yi nga ka yi nga Ekl. 1:4; Esa. 45:18; Ps. 78:69
onhiwi kumbe ku pfumala vaaki
Xikwembu xi ta lovisa Nhlav. 16:14, 16; Sof. 3:8;
mafambiselo ya sweswi ya Dan. 2:44; Esa. 34:2
swilo eka nyimpi ya Armagedoni
Lavo biha va ta loviseriwa Mat. 25:41-46; 2 Vates. 1:6-9
makumu
Vanhu lava Xikwembu xi va Yoh. 3:16; 10:27, 28; 17:3;
amukelaka va ta kuma vutomi Marka 10:29, 30
lebyi nga heriki
Ku na ndlela yin’we ntsena Mat. 7:13, 14; Vaef. 4:4, 5
leyi yaka evuton’wini
Sweswi hi le ‘nkarhini wa Mat. 24:3-14; 2 Tim. 3:1-5;
makumu’ Luka 17:26-30
Ku fa ka vanhu ku vangiwa hi Varhoma 5:12; 6:23
xidyoho xa Adamu
Moya wa munhu wu tshika ku va Ezek. 18:4; Ekl. 9:10;
kona eku feni Ps. 6:5; 146:4; Yoh. 11:11-14
Tihele i sirha ra vanhu leri Yobo 14:13, Dy;
tolovelekeke Nhlav. 20:13, 14, KJ (majini)
Ntshembo wa vafi i ku pfuxiwa 1 Vakor. 15:20-22; Yoh. 5:28, 29;
Rifu leri vangiweke hi Adamu 1 Vakor. 15:26; Nhlav. 21:4;
ri ta hela Esa. 25:8; 1 Vakor. 15:54
I ntlhambinyana wa 144 000 Luka 12:32; Nhlav. 14:1, 3;
ntsena lowu yaka etilweni ni 1 Vakor. 15:40-53; Nhlav. 5:9, 10
ku ya fuma na Kriste
144 000 va tswariwe ra 1 Pet. 1:23; Yoh. 3:3;
vumbirhi tanihi vana va Nhlav. 7:3, 4
moya va Xikwembu
Ntwanano lowuntshwa lowu Yer. 31:31; Vahev. 8:10-13
endliweke na Israyele wa moya
Bandlha ra Kriste ri akiwe Vaef. 2:20; Esa. 28:16;
eka yena Mat. 21:42
Swikhongelo swi fanele ku Yoh. 14:6, 13, 14; 1 Tim. 2:5
kongomisiwa ntsena eka Yehova
ha Kriste
Swifaniso a swi fanelanga Eks. 20:4, 5; Lev. 26:1;
ku tirhisiwa evugandzerini 1 Vakor. 10:14; Ps. 115:4-8
Ku tirhisana ni mimoya swi Deut. 18:10-12; Vagal. 5:19-21;
fanele ku papalatiwa Lev. 19:31
Sathana i mufumi la nga 1 Yoh. 5:19; 2 Vakor. 4:4;
vonakiki wa misava Yoh. 12:31
Mukriste u fanele ku ka a 2 Vakor. 6:14-17; 11:13-15;
nga vi na xiphemu eka Vagal. 5:9; Deut. 7:1-5
mafambiselo ya mpfangano
wa vupfumeri
Mukriste u fanele ku tshama Yak. 4:4; 1 Yoh. 2:15;
a nga ri xiphemu xa misava Yoh. 15:19; 17:16
Milawu hinkwayo ya vanhu leyi Mat. 22:20, 21;
nga lwisaniki na milawu ya 1 Pet. 2:12; 4:15
Xikwembu yi fanele ku yingisiwa
Ku nghenisa ngati emirini hi Gen. 9:3, 4; Lev. 17:14;
nomu kumbe hi misiha swi Mintirho 15:28, 29
lwisana ni milawu ya Xikwembu
Milawu ya Bibele ehenhleni ka 1 Vakor. 6:9, 10; Vahev. 13:4;
mahanyelo yi fanele ku 1 Tim. 3:2; Swiv. 5:1-23
yingisiwa
Ku hlayisiwa ka Savata a ku Deut. 5:15; Eks. 31:13; Varhoma 10:4;
nyikiwe Vayuda ntsena naswona Vagal. 4:9, 10; Vakol. 2:16, 17
ku hele ni Nawu wa Muxe
Ntlawa wa vafundhisi ni mavito Mat. 23:8-12; 20:25-27;
yo hlawuleka a swi fanelanga Yobo 32:21, 22
Munhu a nga hundzukanga kambe Esa. 45:12; Gen. 1:27
u vumbiwile
Kriste u veke xikombiso lexi 1 Pet. 2:21; Vahev. 10:7;
faneleke ku landzeleriwa eku Yoh. 4:34; 6:38
tirheleni ka Xikwembu
Nkhuvulo hi ku nyuperisiwa Marka 1:9, 10; Yoh. 3:23;
loku heleleke ematini wu Mintirho 19:4, 5
fanekisela ku tinyiketa
Vakriste va fanele ku nyikela Varhoma 10:10; Vahev. 13:15;
vumbhoni bya le rivaleni Esa. 43:10-12
ehenhleni ka ntiyiso wa Matsalwa
[Xifaniso lexi nga eka tluka 12]
MISAVA . . . yi vumbiwe hi Yehova . . . yi hlayisiwa hi munhu . . . yi akiwa hi masiku
[Xihlovo Xa Kona]
Xifaniso xa NASA