XIYENGE 3

Vutomi A Byi Ri Njhani eParadeyisini?

Yehovha u nyike Adamu na Evha swilo swo tala leswinene. Genesa 1:28

Endzhaku ka loko Yehovha a vumbe Evha u n’wi nyike Adamu

Yehovha u vumbe wansati wo sungula ku nga Evha kutani a n’wi nyika Adamu leswaku a va nsati wakwe.—Genesa 2:21, 22.

Yehovha u va vumbe va ri ni miehleketo ni mimiri leyi hetisekeke.

Adamu na Evha va valanga kaya ra vona leri nga Paradeyisi

Kaya ra vona ra Paradeyisi a ku ri ntanga wa Edeni lowu a wu sasekile swinene, a wu ri ni nambu ni mirhi leyi a yi ri ni mihandzu ni swiharhi.

Yehovha a a vulavula na vona; a a va dyondzisa. Loko a va lo n’wi yingisa, a va ta hanya hilaha ku nga heriki eParadeyisini leyi a yi ri laha misaveni.

Eka mirhi hinkwayo leyi a yi ri entangeni, a ku ri ni wun’we lowu Xikwembu xi va byeleke leswaku va nga wu dyi. Genesa 2:16, 17

Murhi lowu nga entangeni lowu Yehovha a byeleke Adamu na Evha leswaku va nga dyi mihandzu ya wona

Yehovha u kombe Adamu na Evha murhi wun’wana entangeni kutani a va byela leswaku loko vo dya eka wona, a va ta fa.

Ntsumi yo homboloka ku nga Sathana Diyavulosi, u tirhisa nyoka ku vulavula na Evha

Yin’wana ya tintsumi teto yi xandzukele Xikwembu. Ntsumi yoleyo yo homboloka i Sathana Diyavulosi.

Sathana a a nga swi lavi leswaku Adamu na Evha va yingisa Yehovha. Kutani u tirhise nyoka ku xisa Evha leswaku loko o dya muhandzu eka murhi wolowo, a a nga ta fa kambe a a ta fana ni Xikwembu. Kambe sweswo a ku ri mavunwa.—Genesa 3:1-5.