XIYENGE 4

Vuyelo Byi Ve Byihi Hikwalaho Ka Leswi Va Yingiseke Sathana?

Adamu na Evha va file hileswi va nga xi yingisangiki Xikwembu. Genesa 3:6, 23

Evha u dya muhandzu lowu va nga byeriwa leswaku va nga wu dyi kutani a nyika na Adamu

Evha u yingise nyoka kutani a dya muhandzu. Endzhaku ka sweswo, u nyike na Adamu, hiloko a dya.

Adamu na Evha va hlongoriwa ekaya ra vona ra Paradeyisi

Leswi va swi endleke a swi hoxile—a ku ri xidyoho. Xikwembu xi va hlongorile ekaya ra vona ra Paradeyisi.

Vona swin’we ni vana va vona a va koka exilogweni. Va dyuharile kutani va fa. A va yanga exivandleni xa moya; va file.

Vafi a va hanyi, va fana ni ntshuri. Genesa 3:19

Vanhu va tinxaka to hambanahambana lava hanyeke hi mikarhi yo hambana

Hinkwerhu ha fa hikwalaho ka leswi hi nga vana va Adamu na Evha. Vafi a va voni, a va twi naswona a va koti ku endla nchumu.—Eklesiasta 9:5, 10.

Xinhwanyetana xi file naswona ndyangu wa xona wu le ku rileni

Xikongomelo xa Yehovha hi vanhu a ku nga ri leswaku va fa. Ku nga ri khale u ta pfuxa lava feke. Loko va n’wi yingisa va ta hanya hilaha ku nga heriki.