XIYENGE 9

Paradeyisi Yi Ta Fika Rini?

Maxangu lama nga kona emisaveni ma kombisa leswaku Mfumo wa Xikwembu wu ta teka goza ku nga ri khale. Luka 21:10, 11; 2 Timotiya 3:1-5

Ku gembula, tinyimpi, mavabyi, ku kayivela ka swakudya, vana lava nga yingisiki vatswari ni madzolonga ya le mindyangwini i swiphiqo leswi toloveleke emikarhini leyi ya makumu

Bibele yi profete hi swilo swo tala leswi endlekaka namuntlha. Yi vule leswaku vanhu a va ta va varhandzi va mali, lava nga yingisiki vatswari, lava nga ni tihanyi ni lava rhandzaka ku tiphina.

Yi tlhele yi vula leswaku ku ta va ni ku tsekatseka lokukulu ka misava, tinyimpi, ku kayivela ka swakudya ni mintungu. Swilo leswi swa endleka namuntlha.

Un’wana wa Timbhoni ta Yehovha u chumayela mahungu lamanene eka wanuna un’wana

Nakambe Yesu u vule leswaku mahungu lamanene ya Mfumo ma ta chumayeriwa emisaveni hinkwayo.—Matewu 24:14.

Mfumo lowu wu ta herisa vuhomboloki hinkwabyo. 2 Petro 3:13

Lavo homboloka va herisiwa hi nyimpi ya Armagedoni kutani Sathana ni madimona yakwe va xupuriwa

Ku nga ri khale Yehovha u ta lovisa vanhu hinkwavo vo homboloka.

Sathana ni madimona va ta xupuriwa.

Yesu u tshame exitulwini xa yena xa vuhosi etilweni naswona vanhu va tinxaka to hambanahambana va tsakile

Lava yingisaka Xikwembu va ta pona kutani va hanya emisaveni leyintshwa yo lulama, a va nge he chavi, va ta tshembana naswona va ta rhandzana.