Hi Yihi Mikateko Leyi Nga Ta Kumiwa Hi Lava Yingisaka Xikwembu?

Vanhu vo tala lava feke va ta pfuxiwa leswaku va hanya laha misaveni. Mitirho 24:15

Ehleketa hi mikateko leyi u nga ta tiphina hayona loko u yingisa Yehovha! U ta va ni rihanyo leri hetisekeke; ku hava munhu la nga ta vabya kumbe ku dyuhala. A ku nge vi na vanhu vo homboloka naswona u ta tshemba vanhu hinkwavo.

A ku nge he vi na switlhavi, nkosi kumbe ku rila. Ku hava munhu la nga ta dyuhala kutani a fa.

U ta va u ri ekusuhi ni vanghana ni swirho swa ndyangu wa ka n’wina. Vutomi byi ta tsakisa eParadeyisini.

A ku nge he vi na ku chava. Vanhu va ta va ni ntsako wa xiviri.

Mfumo wa Xikwembu wu ta herisa maxangu hinkwawo. Nhlavutelo 21:3, 4