XIYENGE 12

I Yini Leswi U Nga Swi Endlaka Leswaku U Va Ni Ndyangu Lowu Tsakeke?

Rirhandzu hi rona ri endlaka leswaku ku va ni ntsako endyangwini. Vaefesa 5:33

Xikwembu xi lava leswaku vukati byi vumbiwa hi wanuna un’we ni wansati un’we.

Wanuna u khathalela nsati wakwe loyi a vabyaka; wansati u lulamisela nuna wakwe swakudya

Wanuna la nga ni rirhandzu u n’wi khoma kahle nsati wakwe naswona wa n’wi twisisa.

Wansati u fanele a tirhisana ni nuna wakwe.

Tatana u khutaza jaha rakwe leswaku ri yingisela etinhlengeletanweni ta vandlha

Vana va fanele va yingisa vatswari va vona.

Kombisa musa naswona u tshembeka, u nga vi ni tihanyi. Vakolosa 3:5, 8-10

Vatswari va dyondzisa xinhwanyetana xa vona timhaka ta le Bibeleni

Rito ra Xikwembu ri vula leswaku wanuna u fanele a rhandza nsati wakwe hilaha a tirhandzaka hakona naswona wansati u fanele a va ni xichavo xo enta eka nuna wakwe.

Wansati wa karhateka loko nuna wakwe a languta wansati un’wana hi ndlela yo n’wi navela

I xidyoho ku endla timhaka ta masangu ni munhu loyi u nga tekanangiki na yena. Ku teka tshengwe na swona i xidyoho.

Rito ra Yehovha ri dyondzisa mindyangu ndlela yo va ni ntsako.