Xingheniso Xa Xiyenge 10
Yehovha i Hosi ya vuako hinkwabyo. Hi yena a lawulaka ku sukela khale naswona u ta lawula hilaha ku nga heriki. Hi xikombiso, u ponise Yeremiya emugodini lowu a va lava a fela eka wona. U ponise Xadraka, Mixaka na Abedinigo ekheleni ra ndzilo swin’we na Daniyele emilon’wini ya tinghala. Yehovha u sirhelele Estere leswaku a ta kota ku ponisa rixaka hinkwaro ra ka vona. A nge pfumeleli vubihi byi va kona hilaha ku nga heriki. Vuprofeta bya xifaniso lexikulu swin’we ni murhi lowukulu byi kombisa leswaku hakunene Mfumo wa Yehovha wu ta herisa vubihi hinkwabyo ku nga ri khale, kutani wu fuma misava.