BOKISI RO DYONDZISA 21A
“Munyikelo Lowu Mi Faneleke Mi Wu Nyikela”
A hi fambeni na Ezekiyele loko a ri karhi a languta xiyenge xa tiko lexi Yehovha a xi vekeleke xikongomelo xo hlawuleka. Xi ni tindhawu ta ntlhanu. Hi tihi tindhawu ta kona? Hi xihi xikongomelo xa tona?
A. “Munyikelo”
Wu tirhisiwa eka swa mfumo naswona wu vula ndhawu leyi vekeriweke mitirho ya swa mfumo.
B. “Matlhelo Hinkwawo Ya Munyikelo”
A ma vekeriwe vaprista, Valevhi ni muti. Nakambe munhu un’wana ni un’wana wa tinyimba hinkwato ta 12 a a nghena endhawini leyi leswaku a ta gandzela Yehovha ni ku seketela lava rhangelaka.
C. “Ndhawu Ya Ndhuna”
“Ndhawu leyi yi ta va ya yona eIsrayele.” “Yi ta va ya ndhuna.”
D. “Munyikelo Wo Kwetsima”
Ndhawu leyi yi tlhela yi vuriwa “xiphemu xo kwetsima.” Xiyenge xa le henhla i xa “Valevhi.” I “nchumu lowu kwetsimaka.” Xiyenge xa le xikarhi i “munyikelo wo kwetsima wa vaprista.” I “ndhawu ya tiyindlu ta vona ni ndhawu yo kwetsima,” kumbe tempele.
E. “Ndhawu Leyi Saleke”
“Yi ta va ya vanhu hinkwavo va Israyele” naswona “yi ta tirhiseriwa swilo leswi tolovelekeke emutini, ku ta akiwa eka yona yi tlhela yi va madyelo ya swifuwo.”